ބޭންކް އޮފް މޯލްޑިވްސް (ބީއެމްއެލް)ގެ އިންޓަރނެޓް ބޭންކިންގެ ހިދުމަތް ބޭނުން ކުރުމުގައި މިރޭ 1:00 އާއި 4:00 އާ ދެމެދު ދަތިތަކެއް ކުރިމަތިވެދާނެކަމަށް އެބޭންކުން ބުނެފިއެވެ.
ބީއެމްއެލްގެ ރަސްމީ ޓުވިޓަރ އެކައުންޓުގައި ދެންމެކުރި ޓުވީޓެއްގައި ބުނެފައިވަނީ އެބޭންކުން މިރޭ ކުރިއަށް ގެންދިއުމަށް ހަމަޖެހިފައިވާ މެއިންޓެނެންސް މަސައްކަތެއްގެ ސަބަބުން ބޭންކުން ދެމުންގެންދާ، އިންޓަރނެޓް ބޭންކިންގެ ހިދުމަތަށާއި، އޭޓީއެމްގެ ހިދުމަތަށާއި، ޕީއޯއެސް މެޝިންގެ ހިދުމަތަށާއި، ޕޭމަންޓް ގޭޓްވޭގެ ހިދުމަތަށާއި، އަދި ޔޫއެސްޑީ ޕޯޓަލްގެ ހިދުމަތަށް ބުރޫއެރުން އެކަށީގެންވާ ކަމަށެވެ.
Customers may face interruptions to Internet Banking, Payment Gateway, ATMs, POS Machines, MobilePay and USD portal between 1 - 4 am due to a planned maintenance. The timing has been selected to cause minimum disruption and we apologise for any inconvenience caused.
— Bank of Maldives (@bankofmaldives) September 4, 2020
ބީއެމްއެލް އިން އިތުރަށް ބުނެފައިވަނީ ކުރަން ހަމަޖެހިފައިވާ މެއިންޓެނަންސް މަސައްކަތަކީ ދުރާލާ ރާވައިގެން ކުރުމަށް ހަމަޖެހިފައިވާ މަސައްކަތެއް ކަމަށާއި އަދި މި މަސައްކަތް ކުރާނެ ވަގުތު ކަނޑައަޅައިފައިވަނީ ވީހާވެސް ބޮޑަށް އެ ބޭންކުގެ ކަސްޓަމަރުންނަށް ދަތިނުވާނެ ވަގުތެއް ބަލައިގެން ކަމަށެވެ.
ބީއެމްއެލް އިން އަންނަނީ ދޭތެރެ ދޭތެރެއިން އެ ބޭންކުގެ މެއިންޓެނަންސް މަސައްކަތްތައް ކުރުމަށްޓަކައި ބައެއް ހިދުމަތްތައް ވަގުތީގޮތުން މެދު ކަނޑާލަމުންނެވެ.
