ބޭންކް އޮފް މޯލްޑިވްސް (ބީއެމްއެލް) ގައި ހުޅުވާފައިވާ ބައެއް އެކައުންޓުތަކުން އަނެއްކާވެސް ވާނުވާނޭގި ފައިސާ ކެނޑޭ މައްސަލަތަކެއް ފެންމަތިވެއްޖެއެވެ.

އެ ބޭންކުގައި އެކައުންޓް ހުޅުވާފައިވާ ބަޔެއް ކަސްޓަމަރުން މީސްމީޑިއާގެ އެކި ވެބްސައިޓުތަކުގައި މިވާހަކަތައް ހިއްސާކުރަމުން ބުނެފައިވަނީ އެމީހުންގެ އެކައުންޓުން ކުރިން ވެސް ފައިސާ ކެނޑުމަށް ފަހު ދެވަނަ އަދި ތިންވަނަ ފަހަރަކަށްވެސް އެކައުންޓުން ފައިސާ ކަނޑައިފައިވާ ކަމަށެވެ.

މިހާތަނަށް ބީއެމްއެލްއިން މިކަމާއި ގުޅިގެން ވަކިއެއްޗެއް ބުނެފައި ނުވާއިރު މީގެކުރިން މިމައްސަލަ ދިމާވުމުން ބޭންކުން ބުނެފައިވަނީ އެފަހަރު އެމައްސަލަ ދިމާވެފައިވަނީ ޓެކްނިކަލް މައްސަލައަކާއި ގުޅިގެން ކަމަށެވެ. އަދި އެފަހަރު ފައިސާ ކެނޑުނު ފަރާތްތަކުގެ އެކައުންޓުތަކަށް ކެނޑި ފައިސާވަނީ ޖަމާކޮށްދީފައެވެ.

ބޭންކުގެ ގިނަ އަދަދެއްގެ ކަސްޓަމަރުން އަނެއްކާވެސް ބޭންކުން އެ ކަސްޓަމަރުންގެ އަތުން ނުހައްގުން ފައިސާ ކަނޑަމުން އަންނަކަން ފާހަގަ ކޮށްފައިވާއިރު އެ ކަސްޓަމަރުން މީސްމީޑިއާއަށް ލާފައިވާ ފޮޓޯތަކުން ފެއްނަނީ ފޮރިން ޕާރޗޭސްގެ ގޮތުގައި އެއް އަދަދެއް އެތައް ފަހަރަކު ކަނޑައިފައިވާ މަންޒަރެވެ. މިގޮތުން އެއް ކަސްޓަމަރެއްގެ އަތުން އެއްދުވަހެއްގެ ތެރޭ ފޮރިންޕާޗޭސްގެ ގޮތުގައި އެއް އަދަދެއް ހަފަހަރަށް ކަނޑާފައި ވެއެވެ.

on 3rd i find out im being scammed (history details say paypal wuhanouyuew), so on the same day, i withdraw whatever thats left, call bml and cancel my card. Please check your account history bc turns out the same thing is happening to so many people!!! pic.twitter.com/8K8K3hevLj

— Nihaya ? (@NihayaAhmed) September 5, 2020

މީގެ ކުރިން މިދިޔަ އޯގަސްޓު މަހުގެ ތެރޭގައިވެސް ބީއެމްއެލްގެ ޑެބިޓް ކާޑުން ކުރާ ފައިސާގެ މުއާމަލާތްތަކަށް ދެފަހަރަށް ފައިސާ ކަނޑާފައިވާ މައްސަލަ ފާހަގަ ކުރެވިފައި ވެއެވެ. ބޭންކުން އެފަހަރު ބުނެފައިވަނީ އެއީ ބޭންކުން މީގެކުރިން ދިމާވެފައިނުވާ މައްސަލައެއް ކަމަށެވެ. ނަމަވެސް އޭރުވެސް ބަޔެއް ކަސްޓަމަރުން ބުނަމުން ގޮސްފައިވަނީ މީގެ ކުރިންވެސް މިފަދަ މައްސަލަތައް ބީއެމްއެލްގެ ފަރާތުން ދިމާވެފައިވާ ކަމަށެވެ.

BML ge Account thakun kura mi vakkamuge vaahaka dhakkaane @MMA_Maldives eh, @mvpeoplesmajlis eh, Hon. @faya_i eh, Hon. @iameeru eh, nethuneema, dhen haqqu hoadhan Rayyithu meehun vannanvee, e thanah tho? @ibusolih @FaisalNasym @Mihaarunews @feshunonline pic.twitter.com/KcV0q3FbD0

— Ahmed Nashid ? (@nashid44482) September 5, 2020

އެކައުންޓުން ފައިސާ ކެނޑުނު ކަސްޓަމަރުންގެ ތެރޭގައި ބޭރު ގައުމުތަކުގައި ތިބި ބައެއް ފަރާތްތައްވެސް ހިމެނެ އެވެ. މިމައްސަލައިގައި ބޭންކުގެ ބަހެއް ލިބޭތޯ ކުރި މަސައްކަތް އަދިވަނީ ކާމިޔާބުވާގޮތް ނުވެފައެވެ. މިފަދަ މައްްސަލަތަކާއި ގުޅިގެން ގިނަ ބަޔަކު އަންނަނީ ބޭންކަށް އިތުބާރު ނުކުރެވޭ ކަމަށް ބުނެވެސް އެފަރާތްތަކުގެ ޝުއޫރުތައް ހާމަކުރަމުންނެވެ.