ށ. މިލަންދޫން ހޯމް ކަރަންޓީނުގައި ހުރި މީހަކު ކޮވިޑް-19 އަށް ޕޮޒިޓިވްވެއްޖެއެވެ.
މިލަންދޫ ހެލްތް ސެންޓަރުން ވިދާޅުވިގޮތުގައި ކޮވިޑް-19 އަށް ޕޮޒިޓިވް ވެފައިވަނީ ފާމަސީ އެއްގައި މަސައްކަތް ކުރާ ފަރާތެއް ކަމަށާއި މި ފަރާތާއި މިލަންދޫ އެއްވެސް ފަރާތެއް ސީދާ ކޮންޓެކްޓް ވެފައި ނުވާ ކަމަށެވެ.
މި މީހާ ކޮވިޑް-19 އަށް ޕޮޒިޓިވް ވެފައިވަނީ ކަރަންޓީނުގެ މުއްދަތު ނިމުމުން ކޮވިޑް-19 އަށް ހެދި ޓެސްޓުންނެވެ.
ރާއްޖޭގެ ރަށްރަށަށް ކަރަންޓީނަށް ދާ ގިނަ ބަޔަކު ދަނީ ކޮވިޑް-19 އަށް ޕޮޒިޓިވް ވަމުންނެވެ.
ރާއްޖެއިން ޖުމްލަ 8،486 މީހުން ކޮވިޑް-19 އަށް ޕޮޒިޓިވް ވެފައިވާއިރު މި ބަލިން ރަނގަޅުވެފައި ވަނީ 5،822 މީހުންނެވެ. އަދި މި ބަލީގައި 29 މީހުން ވަނީ ނިޔާވެފައެވެ.
