ހދ. ކުޅުދުއްފުށީ ސިޓީއިން ރޭގައި ނިޔާވި މީހާ ނިޔާވެފައިވަނީ ކޮވިޑް-19 ގެ ސަބަބުންކަމަށް އެޗްޕީއޭއިން ނިންމުމާއެކު، ރާއްޖެއިން ކޮވިޑުގައި ނިޔާވި މީހުންގެ އަދަދު 31 އަށް އަރައިފިއެވެ.
ކުޅުދުއްފުށީ ސިޓީއިން ރޭ ނިޔާވެފައިވަނީ ކަރަންޓީނު ފެސިލިޓީ އެއް ކަމަސްވާ ކޭޕީއެލް ކެޕީއެލް ގެސްޓްހައުސް ގައި އައިސޮލޭޝަންގައި ހުރި މީހެކެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ވިދާޅުވީ، ކުޅުދުއްފުށީ ސިޓީއިން ރޭ ނިޔާވެފައިވަނީ ކެންސަރަށް ފަރުވާހޯދަމުންދިޔަ އުމުރުން 58 އަހަރުގެ ދިވެހި ފިރިހެނެއްކަމަށެވެ. އަދި އެމީހާއަކީ މަލެއިން އައިސް ހއ. ކެލާގައި ހޯމްކަރަންޓީނުގައި ހުރި މީހެއްކަމަށާއި، އެމީހާ ހދ. ކުޅުދުއްފުއްޓަށް ދަތުރުކޮށްފައިވަނީ ބަލިހާލަތު ގޯސްވެގެންކަމަށްވެސް އެޗްޕީއޭއިންވަނީ ވިދާޅުވެފައެވެ.
ކޮވިޑް-19 ގައި މިއަދު ހަވީރުވެސް ދިވެހި ފިރިހެނަކުވަނީ ނިޔާވެފައެވެ. ހުޅުމާލެ މެޑިކަލް ފެސިލިޓީގައި ފަރުވާދެމުންދަނިކޮށ މިއަދު އިރުއޮއްސި 06:24 ގައި ނިޔާވި އެމީހަކީ މިބަލީގައި ރާއްޖެއިން ނިޔާވި 30 ވަނަ މީހާކަމަށް ހެލްތު އިމަޖެންސީ އޮޕަރޭޝަން ސެންޓަރ (އެޗްއީއޯސީ) އިންވަނީ ވިދާޅުވެފައެވެ. އަދި ކުޅުދުއްފުށީ ސިޓީއިން ރޭ ނިޔާވެފައިވާ މީހާވެސް ނިޔާވެފައިވަނީ ކޮވިޑް-19 ގައި ކަމަށް ނިންމުމުން ކޮވިޑްގައި ރާއްޖެއިން ނިޔާވި މީހުންގެ އަދަދުވަނީ 31 އަށް އަރާފައެވެ.
58yo Maldivian male undergoing treatment for cancer and in quarantine in Ha.Kelaa, passed away at KRH at 08:15pm on 8/09/2020.
This is considered the 31st Covid-19 death
Our thoughts and prayers are with the bereaved family. May Allah grant his soul eternal peace in heaven
— Health Protection Agency (@HPA_MV) September 9, 2020
