އިނގިރޭސިވިލާތުގެ އޮކްސްފޯޑް ޔުނިވާސިޓީ އާއި އެސްޓްރަޒެނިކާ ގުޅިގެން އުފެއްދި ކޮވިޑް-19ގެ ވެކްސިން ދިން މީހަކު ބުރެޒިލުން މަރުވެފައިވާކަމަށް އެގައުމުން ހާމަކޮށްފިއެވެ.
ބުރެޒިލްގެ ސިއްހީ ވުޒާރާއާއި ހަވާލާދީ ޔޫއެސްނިއުސް ވެބްސައިޓުގައި ބުނެފައިވަނީ ކުލިނިކަލް ޓްރެއިލްގެ ގޮތުގައި މި ވެކްސިން ދީފައިވާ ބުރެޒިލްގެ ވުލެންޓިއަރަކު މަރުވެފައިވާ ކަމަށެވެ.
އޮކްސްފޯޑް ޔުނިވާސިޓީ އާއި އެސްޓްރަޒެނިކާ ގުޅިގެން އުފެއްދި ވެކްސިންގެ ފޭސް ތިނެއްގެ ކުލިނިކަލް ޓްރެއިލް ބުރެޒިލްގައި ކުރިއަށް ގެންދިއުމަށް އެހީތެރިވެދޭ ސައޮ ޕައުލޯގެ ފެޑަރަލް ޔުނިވާރސިޓީއިންވެސްވަނީ މަރުވެފައިވަނީ ބުރެޒިލް ރައްޔިއްތެއް ކަމަށް ބުނެފައެވެ.
އޮކްސްފޯޑުގެ ވެކްސިން ދިން މީހަކު ބުރެޒިލުން މަރުވެފައިވާކަމުގެ ރިޕޯޓުތައް ލިބިފައި މިވަނީ ޗައިނާ އިން އުފެއްދި ވެކްސިން ދިނުމުގެ ޕްރޮގްރާމެއް ބްރެޒިލްގައި ފަށަން ނިންމައިފައި ވަނިކޮށެވެ.
ޗައިނާގެ ވެކްސިނާއި ގުޅޭގޮތުން ސައޮ ޕައުލޯ ސްޓޭޓުގެ ރިސާޗް ސެންޓަރުން އިއްޔެ ބުނެފައި ވަނީ ދެ ޑޯޒްގެ މައްޗަށް އެކުލެވޭ މިވެކްސިން އަކީ ރައްކާތެރި އެއްޗެއް ކަމަށް ކްލިނިކަލް ޓްރަޔަލްތަކުން ދައްކާފައިވާ ކަމަށެވެ.
