ކީރިތި ރަސޫލާ (ސ.އ.ވ) އަށް ފުރައްސާރަކޮށް ފްރާންސް އިން ހިންގާފައިވާ ހައްދުފަހަނައެޅި އެއަމަލު ކުއްވެރިކޮށް ދިވެހި ސަރުކާރުން ބަޔާނެއް ނެރުމަށް ޝައިހް އަލީ ޒައިދު ގޮވާލައިފިއެވެ.
ޝެއިހް ޒައިދު މިހެން ވިދާޅުވެފައި ވަނީ ފުރާންސްގެ ސަރުކާރުން އިސްލާމް ދީނަށާއި ރަސޫލާ އަށް ފުރައްސާރައިގެ ބަސްތައް ރައްދުކުރަމުން އަންނަ ދަނޑިވަޅެއްގައެވެ. ގިނަ ބަޔަކު ވަނީ، މިކަމާއި ގުޅިގެން ފްރާންސް ސަރުކާރަށް ފާޑުކިޔާފައެވެ. ފްރާންސްގެ ރައީސް އެމެނުއަލް މެކްރޮން ވަނީ، އިސްލާމް ދީނަކީ ޓެރެރިޒަމުގެ ފެށުން ކަމަށާއި، ރަސޫލާ އަށް ނިސްބަތްކޮށް ކާޓޫނު ކުރެހުމަކީ ހިޔާލު ފާޅުކުރުމުގެ މިނިވަންކަން ކަމަށް ބުނެފައެވެ.
މިކަމާއި ގުޅިގެން ކޮށްފައިވާ ޓްވީޓެއްގައި ޝެއިހް ޒައިދު ވިދާޅުވެފައި ވަނީ، އެބައިމީހުން އެވަނީ ރަސޫލާގެ އަބުރުފުޅަށް އަރައިގަނެފައި ކަމަށާއި، ފުރައްސާރަ ކޮއްފައި ކަމަށެވެ. އަދި އެބައި މީހުންގެ ޕްރޮޑޮކްޓްތައް ބޮއިކޮޓް އިސްލާމުން މިކަންކަން ބަލައި ނުގަންނާނެކަން ދުނިޔެއަށް ހާމަކޮއްދޭން ޖެހޭ ކަމަށްވެސް ޒައިދު ވިދާޅުވިއެވެ.
Dhivehi Raajje in France ge hahdhu fahana elhi amal kuhverikoh bayaaneh nerumah govaalan! Ebai meehun evanee Nabiyya (SAW) ge aburu fulhah araigane, furahsaara kohfai! Ebai meehunge products thah boycott koh Islamun mikankan balai nuganaane kan dhuniye ah haama kohdheyn jehey!
— Ali Zaid (@alizaid1000) October 27, 2020
ފްރާންސް ސަރުކާރުން ރަސޫލާ އާއި އިސްލާމް ދީނަށް ފުރައްސާރަކޮށް ބަސްތައް ރައްދުކުރުމާއި އެކު ގިނަ ގައުމުތަކަކުން އަންނަނީ ފްރާންސްގެ އުފެއްދުންތައްވެސް ބޮއިކަޓްކުރުމަށް ނިންމަމުންނެވެ.
ފްރާންސް ސަރުކާރުން ރަސޫލާ އާއި އިސްލާމްދީނަށް ފުރައްސާރަ ކުރި މައްސަލައިގައި ދިވެހި ސަރުކާރުން އަދި މިހާތަނަށް އެއްވެސް އެއްޗެއް ބުނެފައެއް ނުވެއެވެ.
