ބީއެމްއެލް ށ.ފުނަދޫ ބްރާންޗުން، އެރަށު ސުކޫލަށް ޒިޔާރަތްކޮށް އެހީތެރިކަން ފޯރުކޮށްދީފިއެވެ.
ބީއެމްއެލް އިން ވިދާޅުވީ، ބީއެމްއެލްގެ ފުނަދޫ ބްރާންޗުން އެރަށު ސުކޫލަށް ޒިޔާރަތްކޮށް އެ ސުކޫލުގެ ލައިބްރަރީ އިތުރަށް ތަރައްގީކުރުމަށްޓަކައި އެހީތެރިކަން ފޯރުކޮށްދީފައިވާކަމަށެވެ.
ބީއެމްއެލްގެ ޕަބްލިކް ރިލޭޝަން މެނޭޖަރ މުހައްމަދު ސައީދު "ފެށުމަށް" ވިދާޅުވީ ބީއެމްއެލް އިން އަބަދުވެސް އަތޮޅުތެރޭގެ ސުކޫލްތަކަށް އެކިގޮތްގޮތުން އެހީތެރިކަން ފޯރުކޮށްދެމުންދާ ކަމަށާއި، ފުނަދޫ ސުކޫލުން ބޭނުންވީ އެ ސުުކޫލުގެ ލައިބްރަރީއަށް ފޮތް ހަރެއް ކަމަށާއި، އެހެންކަމުން އެ ސުކޫލަށް ހަދިޔާކޮށްފައިވަނީ ފޮތް ހަރެއްކަމަށެވެ.
މި ޑޮނޭޝަންގެ ސަބަބުން ކިޔަވައިދިނުމަށް ފުރިހަމަ މާހައުލެއް ގާއިމުކުރެވޭނެ ކަމަށާއި އަދި ދަރިވަރުންނަށް ގިނަގުނަ ފުރުސަތުތަކެއް ލިބިގެންދާނެކަމަށް އުންމީދުކުރާކަމަށް ބީއެމްއެލް އިން ވިދާޅުވިއެވެ.
Our Funadhoo branch team visited Sh. Funadhoo School today to hand over a special donation to support the upgrade of their library. We hope this donation helps to create a better learning environment and more opportunities for the students.
???????????? #AharengeBank pic.twitter.com/zgVMpCNc69— Bank of Maldives (@bankofmaldives) October 28, 2020
މީގެކުރިން ބީއެމްއެލްއިން ވަނީ ރާއްޖޭގެ ގިނަ ސްކޫލްތަކެއްގައި ހިންގާ ސްޕެޝަލް އެޑިއުކޭޝަން ނީޑްސް (ސެން) ކުލާހަށް ބޭނުންވާ ވަސީލަތްތައްވެސް ފޯރުކޮށްދީފިއެވެ.
ބޭންކް އޮފް މޯލްޑިވްސްއަށް އަހަރަކު އެތައް މިލިއަން ރުފިޔާއެއްގެ ފައިސާ ލިބޭއިރު، އެ ބޭންކް އިން ތަޢާރަފް ކުރި "އަހަރެންގެ ބޭންކް ކޮމިއުނިޓީ ފަންޑް" އަށް ގިނަ ބައެއްގެ ސަމާލުކަން ދަނީ ލިބެމުންނެވެ. މި ޕްރޮގްރާމް އިފްތިތާޙުކޮށްފައިވަނީ ދިވެހިންނާއި ދިވެހި މުޖުތަމަޢުތަކާ އޮތް ގުޅުން ބަދަހި ކުރުމަށް "އަހަރެންގެ ބޭންކް" ގެ ނަމުގައި މުޅި ރާއްޖެއަށް ޢަމާޒުކޮށްގެން ކުރިއަށްގެންދާ ޕްރޮގުރާމުގެ ދަށުންނެވެ.
