ބާރުގަދަ ބިންހެލުމަކާއެކު ތުރުކީވިލާތަށް ސުނާމީއެއް އަރައިފިއެވެ.
މީޑިއާ ރިޕޯޓްތަކުގައި ވާގޮތުން 7.0 ގެ ބާރުމިނުގައި އައި މި ބިންހެލުމުގެ އަސަރު ތުރުކީގެ ބައެއް ސިޓިތަކުގެ އިތުރުން ގްރީސްއަށްވެސްވަނީ ކޮށްފައެވެ. ބާރުގަދަ މި ބިންހެލުމެއްގައި ގިނަ އިމާރާތްތަކެއް ފުނޑުފުނޑުވެފައިވާއިރު، ސުނާމީއެއް އެސަރަޙައްދުގައި ސުނާމީއެއްވެސް މިހާރުވަނީ އުފެދިފައެވެ.
މީސްމީޑިއާގައި ދައުރުވަމުންދާ ވީޑިއޯތަކުން ސުނާމީގެ ސަބަބުން ތުރުކީގެ ތިންވަނައަށް އެންމެ ބޮޑު ސިޓީ ކަމަށްވާ އިޒްމިރްގައި ފެންބޮޑުވެފައިވާ މަންޒަރު ފެނެއެވެ.
BREAKING - TSUNAMI currently flooding the city of #Seferihisar south-west of #Izmir in Turkey.pic.twitter.com/TDC6om6LkA
— Disclose.tv ???? (@disclosetv) October 30, 2020
އައިޖިއަން ކަނޑަށް އައިސްފައިވާ މި ބިންހެލުމުގެ އަސަރު 14 ކިލޯމީޓަރު ދުރަށް ކޮށްފައިވާކަމަށް މީޑިއާ ރިޕޯޓްތައް ބުނެއެވެ. މި ބިންހެލުމުގެ އަސަރު އިރުމަތީ ގްރީކް އައިލެންޑްސްގެ ބޮޑު ސަރަޙައްދަކަށްވެސް ކޮށްފައިވާއިރު، އަލްޖަޒީރާއާއި ވާހަކަ ދައްކަމުން އެތެންސްގެ ސްކޫލް ކައުސެލިންގެ ކޯޑިނޭޓަރެއްކަމަށްވާ އެނާ މަކްރިސް ބުނީ މީގެކުރިންވެސް އެސަރަޙައްދަށް ބިން ހެލުމުގެ އަސަރުކުރާކަމަށާއި، ނަމަވެސް މިހާ ގިނަ އިރުވަންދެން އޭގެ އަސަރުކުރި ބިންހެލުމެއް އަދި މިހާތަނަށް އޭނާގެ ހަނދާނުގައި ނާންނަކަމަށެވެ.
އަދި މި ބިންހެލުމުގެ އަސަރާއެކު ބައެއް ފަރުބަދަތަކުން ކޮންމެވެސް ވަރަކަށް ހިލަފައިބާތީ، ގްރީކްގެ ރަށެއްކަމަށްވާ ސަމޯސްގެ އިތުރުން ބައެއް ރަށްރަށުގެ މީހުން އެމީހުންގެ ގެތަށް ދޫކޮށް ގޮސްފައިވާކަމަށްވެސް ގްރީކްގެ މީޑިއާތަކުގައި ބުނެފައިވެއެވެ.
Another tsunami footage from the earthquake in Izmir province of Turkey.
This one is really dangerous pic.twitter.com/62zfddWSi8
— Ragıp Soylu (@ragipsoylu) October 30, 2020
ޖީއެމްޓީ ގަޑިން މިއަދު 11:50 ހާއިރު އައި މިބިން ހެލުމުގެ ސަބަބުން ގާތްގަނޑަކަށް 20 ވަރަކަށް އިމާރާތް ހަލާކުވެފައި ވާނެކަމަށް ތުރުކީ ސިޓީގެ މޭޔަރ ވަނީ ވިދާޅުވެފައެވެ.
ތުރުކީގެ ރައީސް ރިކެޕް ތައްޔިޕް ވިދާޅުވެފައިވަނީ ބިންހެލުމުގައި އަސަރުކުރި ފަރާތްތަކާއެކު ވާކަމަށާއި، ބިންހެލުމުގެ ސަބަބުން އަޅަންޖެހޭ ފިޔަވަޅުތައް މިނިސްޓްރީތަކާއި ގުޅިގެން އަޅަމުންދާކަމަށެވެ. އަދި މި ބިންހެލުމުގައި މަރުވި މީހުންގެ އަދަދު ހަތަރަކަށް އަރާފައިވާއިރު، 120 މީހަކަށް ވަނީ ގެއްލުންވެފައިވާކަމަށް ރިޕޯރޓްތައް ބުނެއެވެ.
ހިޔާލު
ތުރުކީޣެ ރައީސްގެ ނަމަކީ ރަޖަބް ތޮއްޔިބް ޢުރްދުޢާން