ދިވެހި ކަނޑުމަހުގެ ބާވަތްތައް ސްރީލަންކާއަށް އެތެރެކުރުން މަނާކޮށްފައިވާކަމަށް މީޑިއާތަކުގައި ފެތުރިފައިވާ ޚަބަރުތަކާ ގުޅޭ ރަސްމީ އެއްވެސް މައުލޫމާތެއް ސްރީލަންކާ ސަރުކާރުން ދިވެހި ސަރުކާރާ މިހާތަނަށް ހިއްސާކޮށްފައި ނުވާކަމަށް މޯލްޑިވްސް ފޮރިންގެ އެފެއާރޒްއިން ބުނެފިއެވެ.
ފޮރިންގ މިނިސްޓްރީއިން ބުނީ މިކަމާ ގުޅޭ އިތުރު މައުލޫމާތު ސްރީލަންކާގެ ކަމާ ބެހޭ ފަރާތްތައް މެދުވެރިކޮށް ހޯދުމުގެ މަސައްކަތް މިހާރު ކުރަމުންދާކަމަށެވެ.
ދިވެހިރާއްޖޭގެ ކަނޑު މަހުގެ ބާވަތްތައް އެއްވެސް ހުރަހެއް ނެތި ސްރީލަންކާއަށް އެތެރެކުރެވޭނެކަމުގެ ޔަޤީންކަން ސްރީލަންކާ ސަރުކާރުން ދިވެހި ސަރުކާރަށް އޮކްޓޯބަރު މަހުގެ 27 ވަނަ ދުވަހު ވަނީ ދެއްވާފައެވެ.
Got this sad news to our Fishermans today. Maldives imported US$2.88 Billion worth of goods from Sri Lanka ???????? in 2019, Where as Maldives ???????? exported only US$ 153 Million US$ of goods. It is very unfair to impose a trade ban. @GotabayaR @PresRajapaksa @ibusolih @abdulla_shahid pic.twitter.com/2uZ6d2xshe
— Rukuma (@RukumaA) November 6, 2020
ދިވެހި ކަނޑުމަހުގެ ބާވަތްތައް ސްރީލަންކާއަށް އެތެރެކުރުން މަނާކޮށްފައިވާކަމުގެ ޚަބަރުތައް މީސް މީޑިއާގައި ފެތުރެމުންދާއިރު، ލަންކާއިން ކަނޑުމަހުގެ ބާވަތްތައް އެތެރެ ކުރުން މަނާކޮށްފައިވާކަމަށް ބުނާ ލިޔުމެއްވެސް މީސް މީޑިއާގައިދަނީ ދައުރުވަމުންނެވެ.
