ށ. ފޭދޫ ބަނދަރު ތަރައްޤީ ކުރުމުގެ މަޝްރޫޢުގެ އަމަލީ މަސައްކަތް ފެށުމަށްޓަކައި، ޓީމާއި މެޝިނަރީ ޕްރޮޖެކްޓް ސައިޓަށް މޮބިލައިޒްކޮށްފައިވާ ކަމަށް މޯލްޑިވިސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ(އެމްޓީސީސީ) އިން ބުނެފިއެވެ
ފޭދޫ ބަނދަރު ތަރައްގީ ކުރުމުގެ މަޝްރޫއު އަށް ދައުލަތުގެ ބަޖެޓުން 33.1 މިލިއަން ރުފިޔާގެ ހަރަދުކުރެއެވެ.
އެމްޓީސީސީ އިން އިތުރަށް ބުނީ،އެ މަޝްރޫޢުގެ ދަށުން، 27،500 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުމާއި، 378 މީޓަރުގެ ސަރަޙައްދެއްގައި ބޭރުތޮށި ލުމަށް ވަނީ ހަމަޖެހިފައި ކަމަށެވެ.
މީގެއިތުރުން، 90 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، 276 މީޓަރުގެ ސަރަޙައްދެއްގައި އެއްގަމުތޮށި ލުމާއި، 1،380 އަކަ މީޓަރުގެ ސަރަޙައްދެއްގައި ޕޭވްމެންޓް ހެދުމާއި، މަގުބައްތި ހަރުކުރުމާއި ނެރުބައްތި ހަރުކުރުން ހިމެނޭ ކަމަށްވެސް އެމްޓީސީސީ އިން ބުނެފައިވެއެވެ.
