ރާއްޖޭގައި ކޮވިޑް-19 ފެތުރުން ކޮންޓުރޯލް ކުރުމަށް ދޭންފަށައިފައިވާ ކޮވިޝީލްޑް ވެކްސިންގެ ދެވަނަ ޑޯޒް ދޭނީ އަށް ހަފްތާ ފަހުން ކަމަށް ހެލްތް އިމަރޖެންސީ އޮޕަރޭޝަން ސެންޓަރުގެ ތަރުޖަމާން ޑރ. ނަޒްލާ ރަފީގް ވިދާޅުވެއްޖެއެވެ.
ޑރ. ނަޒްލާ މިރޭ ކުރެއްވި ޓުވީޓެއްގައި ވިދާޅުވީ، ކޮވިޝީލްޑް ވެކްސިންގެ ދެވަނަ ޑޯޒް ދނީ ފުރަތަމަ ޑޯޒް ދޭތާ އަށް ހަފްތާ ފަހުން ކަމަށެވެ. އަދި މިގޮތަށް ނިންމައިފައިވަނީ ރާއްޖޭގެ ޓެކް ޓީމާއި ޑަބްލިއުއެޗްއޯގެ އިރުޝާދުތަކަށް ބެލުމަށްފަހު ކަމަށެވެ.
މީގެއިތުރުން ޑރ. ނަޒްލާ ވިދާޅުވީ، ވެކްސިނަކީ މިބަލީގެ ފަރުވާނޫން ކަމަށާއި ނަމަވެސް މި ޕެންޑަމިކާއި ދެކޮޅަށް ކުރާ ހަނގުރާމައިގެ ހަތިޔާރެއް ކަމަށެވެ.
2nd dose of covishield vaccine will be administered 8 weeks after the 1st dose. This was decided after looking at recent research and advice from WHO and MTAGI
Remember that the vaccine is not the cure. But a tool to fight this pandemic!
(1/2)— Nazla Rafeeg (@nazla_r) February 17, 2021
މިހާތަނަށް ރާއްޖޭގައި 56،218 މީހުންނަށް ކޮވިޑް ވެކްސިން ދީފައިވެއެވެ. މީގެތެރެއިން 43،838 މީހުންނަކީ މާލެ ސަރަހައްދުން މި ވެކްސިން ދީފައިވާ މީހުންނެވެ. އަތޮޅުތެރޭ ރައްތަކުން ވެކްސިން ދީފައިވަނީ 12،380 މީހުންނަށެވެ.
