63 ވަނަ ފަަހަރަށް ރާއްޖެ އައި ފްރާންސްގެ ދެމަފިރިއަކަށް ހޫނު މަރުހަބާއެއް ކިޔައިފިއެވެ.
ފްރާންސްގެ މާޓް ނިޓަލް އާއި ނެޓަލީ ނިޓަލް މިއަދު ރާއްޖެއަށް އައިސްފައިވާއިރު، މިއިީ މިދެމަފިރިން ރާއްޖެއައި 63 ވަނަ ފަހަރެވެ.
ޓޫރިޒަމް މިނިސްޓްރީ އާއި އެމްއެމްޕީއާރްސީ އަދި ޓްރާންސް މޯލްޑިވިއަން އެއާވޭސް އިން ވަނީވެލާނާ އިންޓަނޭޝަނަލް އެއާޕޯޓްގައި އެދެމަފިރިންނަށް ހޫނު މަރުހަބާއެއް ކިޔާފައެވެ. އޭގެ އިތުރުން އެއާޕޯޓުގައި ހުންނަ ކޮކޯޕާމް ދުނިކޮޅު ލައުންޖްގައި އެ ދެމަފިރިންގެ ޝަރަފުގައި ވަނީ ކޭކެއް ވެސް ފަޅާފައެވެ.
Welcoming Mr Marc Knittel and Mrs Natalie Knittel, on their 63rd visit to Maldives and their third visit to @CocoCollection. They were awarded the Antara tier of @bordermilesmv by the Deputy Minister of Tourism. #WorldsLeadingDestination #Maldives #VisitMaldives pic.twitter.com/PIl7TK1HKN
— Visit Maldives (@visitmaldives) March 20, 2021
މާޓް ނިޓަލް އާއި ނެޓަލީ ނިޓަލް ބުނި ގޮތުގައި އެދެމަފިރިން 1991 ވަނަ އަހަރުން ފެށިގެން ކޮންމެ ފަހަރަކު ވެސް ރާއްޖެއަށް އަންނަނީ ރާއްޖޭގެ ރީތިކަން ދެކިލުމަށާއި، ރާއްޖޭން ލިބޭ ހިތްހެޔޮ މެހެމާންދާރީގެ ސަބަބުން ކަަމަށް އެދެމަފިރިން ބުނެއެވެ.
ރާއްޖެއަކީ "ރިޕީޓް ޓޫރިސްޓުން" ގިނަ އަދަދަކަށް އަންނަ މަންޒިލަކަށްވާއިރު، އެފަދަ މީހުންގެ ދަތުރުތައް ޓޫރިޒަމް މިނިސްޓްރީން އަންނަނީ ފާހަގަކުރަމުންނެވެ. ބޭނުމަކީ ޓޫރިސްޓުންގެ ހިތުގައި ރާއްޖެއާއި މެދު އޮތްލޯބި އިތުރުކުރުމެވެ. އެގޮތުން މި މަހު 13 ގައި ރާއްޖެއަށް 60 ވަނަ ފަހަރަށް ޒިޔާރަތްކުރި ދެމަފިރިއަކަށް ވެސް ޓޫރިޒަމް މިނިސްޓްރީން ވަނީ ހޫނު މަރުހަބާއެއް ކިޔާފައެވެ. އެއީ ފްރާންސަށް ނިސްބަތްވާ ސާޖް ޑިސޯ (މިސްޓަ ބީން) އާއި ޖޮސެލް ޑިސޯއެވެ.
