އިންޑިއާއިން ކޮވިޑް-19 އަށް ޕޮޒިޓިވުވި މީހުންގެ އަދަދު 20 މިލިއަނުން މައްޗަށް އަރައިފިއެވެ.
އެންމެފަހުގެ ތަފާސްހިސާބު ދައްކާގޮތުން މުޅި ޖުމްލަ މިހާތަނަށް އިންޑިއާއިން ކޮވިޑް-19 އަށް 20,282,833 މީހުންވަނީ ޕޮޒިޓިވުވެފައެވެ.
ތަފާސްހިސާބުތައް ދައްކާގޮތުން އިއްޔެ އިންޑިއާއިން ކޮވިޑް-19 އަށް ޕޮޒިޓިވުވި މީހުންގެ އަދަދަކީ 357،229 އެވެ. މިވަގުތު އެކްޓިވް ކޭހުގެ ގޮތުގައި ފަރުވާދެމުން އަންނަ މީހުންގެ އަދަދަކީ 3،447,133 އެވެ.
އިންޑިއާ ސަރުކާރުގެ ރަސްމީ އިދާރާތަކުން މައުލޫމާތުދޭގޮތުގައި އިންޑިއާއިން ކޮވިޑް-19 އަށް ޕޮޒިޓިވުވާ މީހުންގެ އަދަދު މިހާރުވަނީ ދައްވާން ފަށައިފައެވެ. ސަރުކާރުގެ ރަސްމީ އިދާރާތަކުން މިހެން ބުނެފައި ވީނަމަވެސް ކޮވިޑް-19 އަށް އެގައުމުގައި ޓެސްޓުކުރާ އަދަދުތައްވެސްވަނީ ދައްވެފަކަން ފާހަގަކޮށްލެވެއެވެ.
އިންޑިއާގެ ހާލަތު ދިރާސާކުރާ ފަރާތްތަކުން ދެކޭގޮތުގައި ޓެސްޓުކުރާ މިންވަރު ދައްވެފައިވާތީވެ އިންޑިއާގެ އަސްލު ކޭސްލޯޑް މިހާރަށްވުރެ މަތިވުން އެކަށީގެންވެއެވެ.
މިހާތަނަށް އިންޑިއާއިން ކޮވިޑް-19 ޖެހިގެން 222،000 ވުރެ ގިނަ މީހުންވަނީ މަރުވެފައެވެ.
