ފ. ފީއަލީގައި ހަލުވިކަމާއެކު ކޮވިޑް ފެތުރެން ފަށައިފިއެވެ.
ފީއަލީ ކައުންސިލުން މި ނޫހަށް މަޢުލޫމާތު ދިން ގޮތުގައި އެރަށުގައި ކޮވިޑް ފެތުރެން ދިމާވި ސަބަބެއް ނޭންގޭ ކަމަށާއި، ނަމަވެސް އެރަށުން ފުލޫ ސާމްޕަލްގެ ގޮތުގައި ނެގި 4 ސާމްޕަލެއް ކޮވިޑަށް ޕޮޒިޓިވެ މެއި 2 ވަނަ ދުވަހުން ފެށިގެން އެރަށަށް އަރާފޭބުން ވަނީ މަނާކޮށްފައެވެ.
ރަށުތެރެއިން ކޮވިޑަށް ޕޮޒިޓިވްވި ފަރާތްތަކާއި ކޮންޓެކްޓްވި ގިނަ ބަޔަކުވެސް މިހާރުވަނީ ޕޮޒިޓިވް ވެފައެވެ.
އެގޮތުން މިހާތަނަށް މުޖުތަމަޢުތެރެއިން ޖުމްލަ 35 ކޭސްއެއް އެރަށުންވަނީ ފެނިފައެވެ. މީގެ އިތުރުން އިންޑިއާއިން އައިސް ހޯމްކަރަންޓީންގައި ތިބި ބަޔަކުވެސް އެރަށުން ވަނީ ކޮވިޑަށް ޕޮޒިޓިވްވެފައެވެ.
ފީއަލީ ކައުންސިލުން ވިދާޅުވީ އެރަށުގައި ހޯމް ކަރަންޓީންގައި ހުރި 8 ފަރާތެއް ކޮވިޑަށް ޕޮޒިވެފައިވާކަމަށާއި، ނަމަވެސް އެއިން އެއްވެސް ފަރާތެއްގެ ކޮންޓެކްޓުން ނެތްކަމަށެވެ.
އެހެން ކަމުން އެރަށުގައި މިހާތަނަށް 44 މީހަކު ޕޮޒިޓިވް ވެފައިވެއެވެ. އޭގެ ތެރެއިން އެކަކު އެބަލިން ރަނގަޅުވެ މިހާރު މިހާރު އެރަށުގައި ކޮވިޑް ޖެހިފައި ތިބި މީހުންގެ އަދަދު ވަނީ 43 އަށް އަރާފައެވެ.
ފީއަލީ ކައުންސިލުން ވިދާޅުވީ ކޮންޓެކްޓް ޓްރޭސިންގެ މަސައްކަތްތައް މިހާރުވެސް ކުރެވެމުން ދާކަމަށާއި، މިހާތަނަށް 26 ސާމްޕަލެއްގެ ނަތީޖާ ލިބިފައިނުވާކަމަށެވެ.
ފީއަލީގެ އިތުރުން ރާއްޖޭގެ އިތުރު ގިނަ ރައްތަކެއްގައިވެސް އަންނަނީ ކޮވިޑް ފެތުރެމުންނެވެ.
3 Responses
ނޭނގޭ ބުނީމަ ހިނިއަންނަނީ. ފާޑުފާޑުގެ ވަފުދުތައް އައިސް ބަގުޑި ބެއްދީ ނޭނގިތޯ. ޕާކާއި ވޯޓަށް އައި ފަރާތްތައް ބޭނުން ގޮތަކަށް އުޅުނީ. އެވާހަކަ ދައްކަން ލަދުގަންނަނީތޯ. ފަތުރާލީ ނޫންތޯ
އަސްލު ފީއަލި މިީނާމާންކަންކަމުގެ ތެރެއަށް ވައްޓާލީ ކޮވިޑު ޕާކު ހުޅުވާން ދިޔަ އެމް ޑީ ޕީ ގެ ކެންޕެއިން މީހުންގެ ސަބަބުން
ކީވެބާ ކައުންލިލަރުން މިހާ ބޮޑު ދޮގު އައްދަވަނީ ފ ފީއަލީގަ ކޮއި ކޮކާ ޕާކު ހުޅުވަން މާލެއިން ބިލެއް ދޫ ދާއަރާގެ އިއްޒައް ތެރި މެންބަރު އަހުމަދު ހަލީމް ދޮންބިލެއް އަދި ފެނަކަ އެމްޑީ އާ އެކު ގިނަ އަދަދެއް ގެބަޔަކު މާލެ އިން ފ ފީއައްޔައް ދިއުމައް ފަހު ކޮއިޑު 19 ފެތުރެން ފަށައިފައި ވާކަން ފާހަގަ ކުރެވުނު އެއްވެސް ބޭފުޅަކު ޓެސްޓް ނުހަދާ ބޮލުގަރިހުމާ ހުން އައުން ގައިގާ ރިހުން ކަރައް ތަދުވުން މިހުރިހާ އަލާމާތް ފެންނަން އޮތް އިރުވެސް ޓެސްޓު ނުހަދާ ބަލި ފެތުރެން އެމީ ހަކު އުޅެން ބޭނުންގޮތަކައް އުޅެން ދޫކޮއްލައި ސިއްހީ މަރުކަޒުން ވޮލީ މުބާރާތް ބާއްވައި ކުރިއައް ގެން ދިއުމުގެ ނަތީ ޖާ ވަރައް ފުރިހަމަ ކަން މިއަދު ފީ އަލިން ފެންނަންއެބައޮތް މިކަމުގެ ޒިންމާ ފީއަލީ ކައން ސިލާ ސިއްހީ މަރުކަޒުގެ ވެރިޔާ ނަގަން ޖެހޭ ބޮޑު އަދަޖުން ޖޫރިމަނާ ކުރެވެން ޖެހޭ