ނުރައްކާތެރި ކޮވިޑް-19 ޖެހިގެން މީހަކު ނިޔާވެއްޖެއެވެ.
ހެލްތް ޕްރޮޓެކްޝަން އެޖެންސީ އިން ވިދާޅުވީ، ކޮވިޑް-19 ޖެހިގެން މިއަދު މީހަކު ނިޔާވެފައިވާކަމަށާއި ރާއްޖޭގައި މިހާތަނަށް މިބަލި ޖެހިގެން ނިޔާވި މީހުންގެ އަދަދު 104 އަށް އަރާފައިވާކަމަށެވެ.
މިއަދު މެންދުރު 12:10 ގައި ކޮވިޑް-19ގައި ނިޔާވެފައި ވަނީ ދަރުމަވަންތަ ހޮސްޕިޓަލުގެ ޑީއެޗް11 ގައި އެޑްމިޓްކޮށްފަރުވާ ދެމުން އައި އުމުރުން 73 އަހަރުގެ ދިވެހި އަންހެނެކެވެ.
ރާއްޖޭގައި މި ބަލި ހަލުވިކަމާއެކު ފެތުރެމުން އަންނަ އިރު މި ބަލީގައި ނިޔާވާ މީހުންގެ އަދަދުވެސް ވަނީ އިތުރު ވެފައެވެ.
Today at 12:10 pm a 73-year-old Maldivian female admitted at DH11 has passed away
This is the 104th COVID-19 death in the Maldives.
Our thoughts and prayers are with the bereaved family. May Allah grant her soul eternal peace in heaven
— Health Protection Agency (@HPA_MV) May 18, 2021
މިހާތަނަށް 45،956 މީހަކު މި ބައްޔަށް ޕޮޒިޓިވް ވެފައިވާއިރު، މި ބަލީގައި 104 މީހަކު މިވަނީ ނިޔާވެފައެވެ. މީގެ އިތުރުން 16،997 މީހަކު މިހާރުވެސް ކޮވިޑަށް ފަރުވާ ހޯދަމުން އަންނައިރު، 267 މީހަކަށް ހޮސްޕިޓަލުގައި އެޑްމިޓްކޮށްގެން ދަނީ ފަރުވަ ދެމުންނެވެ.
މާލޭގެ އިތުރުން އަތޮޅު ތެރޭގެ ވަރަށް ގިނަ ރަށްރަށުގައިވެސް މި ބަލި ވަނީ ވަރަށް ބޮޑަށް ފެތުރިފައެވެ. އެގޮތުން އަތޮޅު ތެރޭގެ 56 ރަށެއް މިވަގުތުވެސް ވަނީ ކޮވިޑް-19 އާއި ގުޅިގެން މޮނިޓަރިންއަށް ލާފައެވެ.
