ނުރައްކާތެރި ކޮވިޑް-19 ޖެހިގެން މާލެ ސިޓީ ކައުންސިލްގެ މުވައްޒަފަކު ނިޔާވެއްޖެއެވެ.
ކޮވިޑް-19 ފެތުރޭ ނިސްބަތް ވަރަށް ބޮޑަށް އިތުރުވެފައިވާއިރު، މި ބަލީގައި ނިޔާވާ މީހުންގެ އަދަދުވެސް މިވަނީ ވަރަށް ބޮޑަށް އިތުރުވެފައެވެ.
މި ބަލީގައި މިހާތަނަށް ރާއްޖެއިން 119 މީހަކު ވަނީ ނިޔާވެފައެވެ.
އެޗްޕީއޭ އިން ވިދާޅުވެފައި ވަނީ ހުޅުމާލެ ފެސިލިޓީގައި އެޑްމިޓްކޮށް ފަރުވާ ދެމުން ދިޔަ އުމުރުން 56 އަހަރުގެ ދިވެހި ފިރިހެނަކު މިއަދު މެންދުރުފަހު 03:45 ގައި ނިޔާވެފައިވާކަމަށެވެ.
މިއީ މިބަލީގައި މިއަދު ނިޔާވި 3 ވަނަ މީހާއެވެ.
Today at 03:45 pm a 56-year-old Maldivian male admitted at HMF has passed away
This is the 119th COVID-19 death in the Maldives
Our thoughts and prayers are with the bereaved family. May Allah grant his soul eternal peace in heaven
— Health Protection Agency (@HPA_MV) May 21, 2021
މީގެ ކުރިން މިއަދު މި ބަލީގައި ނިޔާވެފައި ވަނީ ހުޅުމާލެ ފެސިލިޓީގައި ފަރުވާ ދެމުންއައި އުމުރުން 77 އަހަރުގެ ދިވެހި ފިރިހެނަކާއި، އުމުރުން 80 އަހަރުގެ ދިވެހި އަންހެނެކެވެ.
މި ބަލީގެ ނުރައްކާ ބޮޑުވެފައިވާއިރު، އަތޮޅު ތެރޭގައި ވެސް މި ބަލީ ވަނީ ވަރަށް ބޮޑަށް ފެތުރިފައެވެ.
އެގޮތުން އަތޮޅު ތެރެއިން 67 ރަށެއް މިހާރުވެސް ވަނީ މޮނިޓަރިންގެ ހާލަތުގައެވެ.
