ހުޅުމާލެ ކޮވިޑް ފެސިލިޓީގައި އިތުރު ދެ ދިވެހިން ނިޔާވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ވިދާޅުވީ، ހުޅުމާލެ މެޑިކަލް ފެސިލިޓީގައި އެޑްމިޓްކޮށް ފަރުވާ ދެމުންދިޔަ 66 އަހަރުގެ ދިވެހި ފިރިހެނަކު މިއަދު ހެނދުނު 08:07 ގައި ނިޔާވެފައިވާ ކަމަށެވެ.
Today at 08:07 am a 66-year-old Maldivian male admitted at HMF has passed away
This is the 124th COVID-19 death in the Maldives
Our thoughts and prayers are with the bereaved family. May Allah grant his soul eternal peace in heaven
— Health Protection Agency (@HPA_MV) May 23, 2021
މި ބަލީގައި ހުޅުމާލެ ފެސިލިޓީގައި މިއަދު ނިޔާވެފައިވާ ދެވަނަ މީހަކީ އެޑްމިޓްކޮށް ފަރުވާދެމުންދިޔަ، އުމުރުން 62 އަހަރުގެ ދިވެހި އަންހެނެކެވެ. އޭނާ ނިޔާވެފައިވަނީ މިއަދު ހެނދުނު 10:49 ގައި ކަމަށް އެޗްޕީއޭއިން ވިދާޅުވީ ދާދި ދެންމެއެވެ.
Today at 10:49 am a 62-year-old Maldivian female admitted at HMF has passed away
This is the 125th COVID-19 death in the Maldives
Our thoughts and prayers are with the bereaved family. May Allah grant her soul eternal peace in heaven
— Health Protection Agency (@HPA_MV) May 23, 2021
މިއާއެކު ކޮވިޑް-19 ގައި ރާއްޖެއިން ނިޔާވި މީހުންގެ އަދަދު 125 އަށް އަރާފައިވާއިރު، ހުޅުމާލެ ކޮވިޑް ފެސިލިޓީގައި ނިޔާވި މީހުންގެ އަަދަދު ވަނީ 40 އިން މައްޗަށް އަރާފައެވެ.
✳️ COVID-19 : Case Updates pic.twitter.com/kBzMilUFtX
— Health Protection Agency (@HPA_MV) May 22, 2021
ކޮވިޑް-19 ގައި ނިޔާވާ ދިވެހީންގެ އަދަދު އިންތިހާއަށް އިތުރުވެފައިވާއިރު، ދުވާލެއްގެ މައްޗަށް ބަލިޖެހޭ މިންވަރު ވަނީ ވަރަށް ބޮޑުތަނުން އިތުރުވެފައެވެ. އިއްޔެ އެކަނިވެސް 1960 މީހަކު ކޮވިޑަށް ޕޮޒިޓިވް ވެފައިވާއިރު، މީގެ ތެރޭގައި ގިނައީ މާލެ ސަރަހައްދުން ޕޮޒިޓިވްވާ ފަރާތްތަކެވެ.
ބަލި ކޮންޓްރޯލް ކުރުމަށް މާލެއާއި ބައެއް ރަށްތަކުގައިވެސް ފިޔަވަޅުތަކެއް އަޅާފައިވާއިރު، މިވަގުތު މި ބައްޔަށް ފަރުވާ ހޯދަމުންދާ 22421 ފަރާތެއް ރާއްޖޭގައި އެބަތިއްބެވެ.
