ކޮވިޑް-19 އަށް މިއަދު ޕޮޒިޓިވުވެފައިވަނީ 901 މީހުން ކަމަށް ހެލްތް ޕުރޮޓެކްޝަން އެޖެންސީ (އެޗްޕީއޭ) އިން ވިދާޅުވެއްޖެއެވެ.
އެޗްޕީއޭ އިން ކޮވިޑް-19ގެ އެންމެފަހުގެ ތަފާސްހިސާބު ހާމަކުރަމުން މިރޭ ވިދާޅުވީ ފާއިތުވެދިޔަ 24 ގަޑިއިރުގެތެރޭ ކޮވިޑް-19 އަށް 4،821 ސާމްޕަލް ޓެސްޓުކޮށްފައިވާ ކަމަށެވެ.
ރޭ 18:00 އިން މިރޭގެ 18:00 އަށް ކޮވިޑް-19 އަށް ޕޮޒިޓިވުވި މީހުންގެ ތެރޭގައި ހިމެނެނީ، މާލޭ އޭރިއާއިން 468 މީހުން، އަތޮޅުތެރޭ ރައްތަކުން 417 މީހުން، ރިސޯޓުތަކުން 11 މީހުން، ތަރައްގީ ކުރަމުން އަންނަ ރައްތަކުން ހަތަރުމީހުން، އަދި ސިނާއީ މަސައްކަތްކުރާ ރައްތަކުން އެކަކެވެ.
✳️ COVID-19 : Case Updates pic.twitter.com/ohtUWCLwzA
— Health Protection Agency (@HPA_MV) May 28, 2021
ކޮވިޑް-19 އަށް ޕޮޒިޓިވުވި މީހުންގެ އަދަދު ހާހަކަށްވުރެ ދައްވެފައި މިވަނީ ގިނަ ދުވަސްތަކަކަށްފަހުއެވެ. މިގޮތުން އެންމެފަހުން ކޮވިޑް-19 އަށް ޕޮޒިޓިވުވި މީހުންގެ އަދަދު ހާހަކަށްވުރެ ދައްވެފައިވަނީ މިމަހުގެ 16 ވަނަ ދުވަހުއެވެ.
ކޮވިޑް-19ގެ ކޭސްތައް ހާހަކަށްވުރެ ދައްވެފައި މިވަނީ ކޮވިޑް-19ގެ ކޭސްތައްމީންދުވަހަކު މައްޗަށް ނުދާމިންވަރަށް މައްޗަށް ދިއުމާއި ގުޅިގެން ކޭސްތައް ދައްކުރުމަށް މުޅި ރާއްޖޭގައި ހަރުކަށި ފިޔަވަޅުތަކެއް އަޅައިފައި ވަނިކޮށެވެ.
މިހާތަނަށް ރާއްޖެއިން ކޮވިޑް-19 އަށް 61،844 މީހުން ޕޮޒިޓިވުވެފައިވާއިރު މީގެތެރެއިން 36،862 މީހުންވަނީ މިބަލިން ރަނގަޅުވެފައެވެ. އެކްޓިވް ކޭހުގެ ގޮތުގައި 24،818 މީހުންނަށް ފަރުވާދެމުން އަންނައިރު މީގެތެރެއިން 252 މީހުންނަށް ފަރުވާދެމުން އަންނަނީ ހޮސްޕިޓަލުގައި އެޑްމިޓު ކޮށްގެންނެވެ.
