ނުރައްކާތެރި ކޮވިޑް-19 ޖެހިގެން ރާއްޖެއިން މިއަދު އިތުރު ދެމީހުން ނިޔާވެ، މިއަދު ނިޔާވި މީހުންގެ އަދަދު 8 އަށް އަރައިފިއެވެ.
މިއަދު ފަހުން ނިޔާވެފައިވަނީ ދެ އަންހެނުންނެވެ. އެގޮތުން އެކަކީ ދަރުމަވަންތަ ހޮސްޕިޓަލުގެ 11 ވަނަ ފަންގިފިލާގައި ކޮވިޑަށް ހާއްސަކޮށް ހަދާފައިވާ އައިސީޔޫގައި ފަރުވާދެމުން ދިޔަ އުމުރުން 42 އަހަރުގެ އަންހެނެކެވެ. އަދި ދެވަނަ މީހަކީ ހުޅުމާލެ މެޑިކަލް ފެސިލިޓީގައި ފަރުވާދެމުން ދިޔަ 83 އަހަރުގެ އަންހެނެކެވެ.
Tonight at 07:55 pm an 83-year-old Maldivian female admitted at HMF has passed away.
This is the 168th COVID-19 death in the Maldives
Our thoughts and prayers are with the bereaved family. May Allah grant her soul eternal peace in heaven.
— Health Protection Agency (@HPA_MV) June 1, 2021
Tonight at 08:11 pm a 46-year-old Maldivian female admitted at DH11 has passed away
This is the 169th COVID-19 death in the Maldives
Our thoughts and prayers are with the bereaved family. May Allah grant her soul eternal peace in heaven
— Health Protection Agency (@HPA_MV) June 1, 2021
ހުޅުމާލެ ކޮވިޑް ފެސިލިޓީގައި މިއަދު ވަނީ 5 މީހަކު ނިޔާވެފައެވެ. މީގެ އިތުރުން ދެން މި ބަލީގައި މިއަދު ނިޔާވެފައި ވަނީ ބ. އަތޮޅު ކޮވިޑް މެނޭޖްމަންޓް ފެސިލިޓީގައި އެޑްމިޓްކޮށް ފަރުވާ ދެމުން އައި މީހަކާއި، އައިޖީއެމްއެޗްއަށް ގެންދިޔަ މީހެއްގެ އިތުރުން ދަރުމަވަންތަ ހޮސްޕިޓަލުގައި ނިޔާވި މީހެކެވެ.
އަދި މިބަލީގައި ރާއްޖެއިން ނިޔާވި މީހުންގެ ޖުމްލަ މިހާރުވަނީ ވަނީ 169 އަށް އަރާފައެވެ.
ބަލީގައި އިއްޔެ ވެސް ރާއްޖެއިން ތިން މީހަކު ނިޔާވެފައިވާއިރު، ހުސްވި މެއި މަހަކީ މި ބަލީގައި އެންމެ ގިނަ ބަޔަކު ރާއްޖެއިން ނިޔާވި މަހެވެ. އެގޮތުން މެއި މަހު އެކަނި ވެސް 88 މީހަކު ކޮވިޑުގައި ނިޔާވެފައިވާކަމަށް އެޗްޕީއޭގެ ތަފާސް ހިސާބުތަކުން ދައްކައެވެ.
ކޮވިޑް-19 މާލޭގައި ހަލުވިކަމާއެކު ފެތުރެމުން އަންނައިރު، މާލޭގެ އިތުރުން އަތޮޅު ތެރޭގެ ވަރަށް ގިނަ ރަށްރަށުގައިވެސް މި ބަލި ވަނީ ވަރަށް ބޮޑަށް ފެތުރިފައެވެ. އެގޮތުން އަތޮޅު ތެރޭގެ 74 ރަށެއް މިވަގުތުވެސް ވަނީ ކޮވިޑް-19 އާއި ގުޅިގެން މޮނިޓަރިންއަށް ލާފައެވެ. އަދި މި ބައްޔަށް ޕޮޒިޓިވް ވާ މީހުންގެ އަދަދުވެސް އެތައް ގުނައެއް މަތިވިފައިވާއިރު، ހޮސްޕިޓަލުގައި އެޑްމިޓްކޮށްގެން ފަރުވާ ދޭ މީހުންގެ އަދުވެސް އަންނަނީ އިތުރުވަމުންނެވެ.
