މަރުވެފައި އޮތް ފަތުރުވެރިޔެއްގެ ހަށިގަނޑު ކަނޑުއަޑިން ފެނިއްޖެއެވެ.
އެމްއެންޑީއެފް އިން ވިދާޅުވީ އެ މީހާގެ ހަށިގަނޑު ފެނިފައި ވަނީ އީކުއޭޓަރ ވިލެޖްގެ އިރު އުތުރު ފަރު ބޭރުންކަމަށެވެ. މަރުވެފައި އޮއްވާ ފެނިފައިވަނީ ފިރިހެން ފަތުރުވެޔެއްކަމަށާއި، އޭނާގެ ހަށިގަނޑު ފެނިގެން އެމްއެންޑީއެފްގެ ސައުތު އޭރިޔާ ކޯސްޓްގާޑްގެ ޑައިވަރުން ވަނީ އެމީހާ ނަގައިގެން ސ. ފޭދޫއަށް ވަނީ ގެންގޮސްފައެވެ.
އޭނާގެ ހަށިގަނޑު ފޭދޫއަށް ގެންގޮސްފައި ވަނީ މިއަދު ހަވީރު 4:36 ހާއިރުއެވެ.
އެމްއެންޑީއެފް އިން ވިދާޅުވީ މި ހާދިސާގެ ރިޕޯޓް އެފަރާތަށް ލިބިފައި ވަނީ މިއަދު މެންދުރުފަހު 3:30 ހާއިރުކަމަށެވެ.
މައުލޫމާތު ލިބިފައިވާ ގޮތުގައި މަރުވެފައި އޮއްވާ ފެނިފައިވާނީ އީކުއެޓަރ ވިލެޖުގެ ފަތުރުވެރިއެކެވެ. އޭނާ މަރުވީ ސްނޯކްލިންގ އަށް ފައިބައިގެން އުޅެނިކޮށް ކަމަށްވެސް މަޢުލޫމާތު ލިބެއެވެ.
