ކޮވިޑް-19 ގެ ކޭސްތައް ރަށުތެރެއިން ފެނިގެން ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން މޮނިޓަރިންއަށް ލީ ރަށްތަކުގެ ތެރެއިން މިވަގުތު މޮނިޓަރިންގައި އޮތީ 18 ރަށެކެވެ.
މޮނިޓަރިންއަށް ލައިފައިި އޮތް ރަށްތަކުގެ އަދަދު ދަށްވާން ފަށައިފައިވާއިރު، މޮނިޓަރިންގައި މިވަގުތު ގިނައިން އޮތީ މިދިޔަ އޮގަސްޓް މަހު މޮނިޓަރިންއަށް ލީ ރަށްތަކެެވެ. މިދިޔަ އޮގަސްޓް މަހަކީ މޮނިޓަރިންއަށް ލައިފައިވާ ރަށްތަކުގެ އަދަދު ބޮޑު ތަނުން އިތުރުވި މަހެކެވެ.
އެގޮތުން މިދިޔަ މަހު މޮނިޓަރިންއަށް ލީ ރަށްތަކުގެ ތެރެއިން މިވަގުތު ބަންދުގައި އޮތް ރަށްތަކަކީ، ކ. ގާފަރު، ޏ. ފުވައްމުލައް، ގދ، މަޑަވެލި، ލ. މުންޑޫ، ށ.މިލަންދޫ، ވ. ތިނަދޫ، ހދ. ނޮޅިވަރަމް، މ. ވޭވަށް، ސ. ހިތަދޫ، ސ. މަރަދޫ، ސ. މަރަދޫފޭދޫ، އަދި ސި. ފޭދޫ އެވެ.
މި ހިނގާ ސެޕްޓެމްބަރު މަހު މޮނިޓަރިންއަށް ލީ ރަށްތަކުގެ ތެރޭގައި މި ވަގުތު ބަންދުގައި އޮތީ، ސ. ހުޅުމީދޫ، ރ. ރަސްމާދޫ، ގދ. ފަރެސްމާތޮޑާ، ވ. ފުލިދޫ، އަދި ރ. ކޮނޮޅަސް އެވެ.
މީގެ އިތުރުން ރ. ދުވާފަރު މޮނިޓަރިންގެ ހާލަތުގައި އޮންނަތާ މިހާރު ގާތްގަނޑަކަށް ތިން މަހަށް ވުރެ ގިނަ ދުވަސްވާން މި ވަނީ ގާތްވެފައެވެ. އެ ރަށް މޮނިޓަރިން އަށް ލައިފައިވަނީ މިދިޔަ މެއި މަހުގެ 25 ގައެވެ.
