ރާއްޖެއިން ކޮވިޑް-19 ޖެހިގެން އިތުރު 106 މީހުން ޕޮޒިޓިވް ވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ނެރުނު ތަފާސް ހިސާބުތަކަށް ބަލާއިރު، އިއްޔެ އިރުއޮއްސި 06:00 އިން މިއަދު އިރުއޮއްސި 06:00 އަށް މާލެ ސަރަހައްދުން ކޮވިޑް-19 އަށް ޕޮޒިޓިވްވެފައި ވަނީ 34 މީހުންނެވެ.
އަދި މާލެ ފިޔަވައި ރާއްޖޭގެ މީހުން ދިރިއުޅޭ ރަށްރަށުން ކޮވިޑަށް ޕޮޒިޓިވްވެފައި ވަނީ 60 މީހުންނެވެ. އަދި ރިސޯޓުތަކުން ކޮވިޑް-19 އަށް ޕޮޒިޓިވްވެފައި ވަނީ 11 މީހުންނެވެ. ސަފާރީއަކުން އެކަކު ކޮވިޑަށް ޕޮޒިޓިވްވެފައިވެއެވެ.
އެއާއެކު، ރާއްޖެ އިން ކޮވިޑް ޖެހުނު މީހުންގެ އަދަދު ވަނީ 82،684 އަށް އަރައިފައެވެ. އޭގެ ތެރެއިން މިވަގުތު ބަލި ޖެހިފައި ތިބީ 2,070 މީހަކަށެވެ. އަދި ހޮސްޕިޓަލުގައި ފަރުވާ ދެމުން ދަނީ 18 މީހަކަށެވެ.
މިއަދާ ހަމައަށް ބަލިން ރަނގަޅުވި މީހުންގެ ޖުމުލަ އަދަދަކީ 80،374 އެވެ. މި ބަލީގައި ރާއްޖެއިން މަރުވި މީހުންގެ އަދަދު ހުރީ 227 ގައެވެ.
