ރާއްޖެއިން ކޮވިޑް-19 އަށް އިތުރު 142 މީހުން ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން އާންމު ކުރި ތަފާސް ހިސާބުގައިވާ ގޮތުން ފާއިތުވި 24 ގަޑިއިރު ތެރޭގައި ޓެސްޓް ކުރި ށް 4،155 ސާމްޕަލްގެ ތެރެއިން މުޅި ރާއްޖެއިން ޕޮޒިޓިވްވެފައި ވަނީ 142 މީހުންނެވެ.
އޭގެ ތެރެއިން މިއަދު މާލެ އިން ޕޮޒިޓިވްވެފައި ވަނީ 42 މީހުންނެވެ. އަދި އަތޮޅުތެރޭގެ މީހުން ދިރިއުޅޭ ރަށްތަކުން މިއަދު ޕޮޒިޓިވްވީ 88 މީހުންނެވެ. މީގެ އިތުރުން ރިސޯޓްތަކުން އިތުރު 12 މީހުން މިއަދު ޕޮޒިޓިވްވިއެވެ،
މިއަދުގެ ކޭސްތަކާއެކު ރާއްޖެއިން މިހާތަނަށް ރާއްޖެއިން ޕޮޒިޓިވްވި މީހުންގެ ޖުމުލަ އަދަދު ވަނީ 84،017 އަށް އަރާފައެވެ. އޭގެ ތެރެއިން މިވަގުތު ބަލި ޖެހިފައި ތިބީ 1,674 މީހަކަށެވެ. އަދި ހޮސްޕިޓަލުގައި ފަރުވާ ދެމުން ދަނީ 20 މީހަކަށެވެ.
މިއަދާ ހަމައަށް ބަލިން ރަނގަޅުވި މީހުންގެ ޖުމުލަ އަދަދަކީ 82،101 އެވެ. މި ބަލީގައި ރާއްޖެއިން މަރުވި މީހުންގެ އަދަދު ހުރީ 229 ގައެވެ.
އިއްޔެއަކީ ޖޫން މަހުގެ 25 ވަނަ ދުވަހަށް ފަހު ރާއްޖެ އިން އެންމެ ގިނަ ބަޔަކު ކޮވިޑަށް ޕޮޒިޓިވްވި ދުވަހެއެވެ. އިއްޔެ ރާއްޖެއިން ވަނީ 220 ޕޮޒިޓިވް ކޭސް ފެނިފައިވެއެވެ.
