ކޮވިޑް-19 ޖެހިގެން ރާއްޖެއިން އިތުރު ދިވެއްސަކު ނިޔާވެއްޖެއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ވިދާޅުވީ، ށ.ކޯވިޑް މެނޭޖްމަންޓް ފެސިލިޓީގައި ފަރުވާދެމުން އައި 80 އަހަރުގެ މީހަކު ނިޔާވެފައިވާކަމަށެވެ. އަދި އޭނާ ނިޔާވީ މިއަދު މެންދުރު ފަހު 02:30 ހާއިރުކަމަށެވެ.
އެއާއެކު މިހާތަނަށް މި ބަލި ޖެހިގެން ރާއްޖެއިން ނިޔާވި މީހުންގެ އަދަދު މިވަނީ 231 އަށް އަރައިފައެވެ. އަދި މިއީ މި ހިނގާ ސެޕްޓެމްބަރު މަހު ނިޔާވި 5 ވަނަ މީހާއެވެ. މިބަލީގައި އިއްޔެވެސް ވަނީ މީހަކު ނިޔާވެފައެވެ.
ރާއްޖޭގައި ކޮވިޑްގެ ހާލަތު ރަނގަޅުވަމުން އައިނަމަވެސް، އަތޮޅު ތެރޭގައި ބަލި ފެތުރެމުންދާކަމަށް ކަމާ ބެހޭ އިދާރާތަކުން ބުނެއެވެ. އެގޮތުން މާލެ އާއި އަޅާބަލާއިރު މިހާރު ޕޮޒިޓިވްވާ މީހުންގެ އަދަދުވެސް އެންމެ ގިނައީ އަތޮޅު ތެރޭގައެވެ.
