ރާއްޖެއިން އިތުރު 95 މީހުން ކޮވިޑް-19 އަށް ޕޮޒިޓިވްވެއްޖެއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) ގެ ފަހުގެ ތަފާސް ހިސާބުތަކުން ދައްކާ ގޮތުގައި، އިއްޔެ ހަވީރު 06:00 އިން ފެށިގެން މިއަދުގެ ހަވީރު 6:00 އާއި ހަމައަށް ނެގި 4،403 ސާމްޕަލްގެ ތެރެއިން އަތޮޅުތެރެއިން 61 މީހުންނާއެކު ޖުމަލް 95 މީހުން ޕޮޒިޓިވްވެފައިވެއެވެ.
މާލެއިން ބައްޔަށް ޕޮޒިޓިވްވީ 32 މީހުންނެވެ. އަދި މީގެ އިތުރުން ރިސޯޓުތަކުން 2 ޕޮޒިޓިވްކޭސް ފާއިތުވި 24 ގަޑިއިރު ތެރޭގައި ފެނިފައިވެއެވެ.
އިތުރަށް ޕޮޒިޓިވްވި މީހުންގެ އަދަދާއެކު މިހާތަނަށް ރާއްޖެއިން ކޮވިޑަށް ޕޮޒިޓިވްވި މީހުންގެ އަދަދު ވަނީ 84،579 އަށް އަރައިފައެވެ. އަދި މި ބަލިން 82،769 މީހުން މިހާތަނަށް ވަނީ ރަނގަޅުވެފައެވެ.
މިވަގުތު ހޮސްޕިޓަލުގައި އެޑްމިޓްކޮށްގެން ފަރުވާ ދެމުން އަންނަނީ 19 މީހުންނަށެވެ. އަދި އެކްޓިވް ކޭސްގެ އަދަދު އުޅެނީ 1،566 ގައެވެ.
