ފުލުހުން ހިންގި ހާއްސަ އޮޕަރޭޝަނެއްގައި 24 ގަޑިއިރުތެރޭގައި ދިހަ ތަނެއް ބަލާ ފާސްކޮށް، 100 ކިލޯގެ ޑްރަގް ހޯދާ 10 މީހަކު ހައްޔަރުކޮށްފިއެވެ.
ކޮމިޝަނަރު އޮފް ޕޮލިސް މުހައްމަދު ހަމީދު ކުރެއްވި ޓްވީޓެއްގައި ވިދާޅުވީ، ޑްރަގް އެންފޯސްމަންޓް ޑިޕާޓްމަންޓް (ޑީއީޑީ) އާއި ޑްރަގް އިންޓެލިޖެންސާއި މެރިން ޕޮލިސް އަދި ފޮރެންސިކް ފުލުހުން ގުޅިގެން ވަރަށް ރޭވުންތެރިކަމާއެކު ފާއިތުވި 24 ގަޑިއިރު ތެރޭ ޑްރަގް އޮޕަރޭޝަނެއް ހިންގައިފައިވާ ކަމަށެވެ.
އެގޮތުން މި އޮޕަރޭޝަނުގައި ދިހަ ތަނެއް ބަލާފާސްކޮށް، ގާތްގަނޑަކަށް 100 އެއްހާ ކިލޯގެ ހިރޮއިން އަތުލައިގަނެ، 10 މީހަކު ހައްޔަރުކޮށްފައިވާކަމަށެވެ.
ކޮމިޝަނަރ އޮފް ޕޮލިސް ހަމީދު ފާހަގަކުރެއްވި ގޮތުގައި މިއީ ވަރަށް ރޭވުންތެރިކަމާއެކު ހިންގި ކާމިޔާބު އޮޕަރޭޝަނެކެވެ.
While at #GSF2021 I have been following a well executed joint counter-narcotics trafficking operation in the last 24 HRS, by officers from DED, Drug Intelligence, Marine Police & Forensics. Arresting 10 people, searched 10 locations and seized approximately 100 kgs of heroin.???????? pic.twitter.com/oozGzEnkFJ
— Mohamed Hameed (@M_Hameedh) October 14, 2021
މާލޭ އާއި އަތޮޅު ތަކުގެ ރަށްތަކުގައި ބޮޑެތި ޑްރަގްގެ އޮޕަރޭޝަންތައް ފުލުހުން އަންނަނީ ހިންގަމުންނެވެ. އެގޮތުން މާލޭގައި ކެފޭ އުސޫލުން މަސްތުވާތަކެތި ބޭނުންކުރާ 25 ތަނެއް ހޯދައި، އެ ތަންތަނުގެ ވެރިންނަށް ގާނޫނީ ގޮތުން އިންޒާރުދީ، ބައެއް ފަރާތްތަކަށް ވަނީ ދައުވާ ކުރުމަށް ފޮނުވައިފައެވެ.
