ގދ.ރަތަފަންދޫގައި ރޭ ނިޔާވި 44 އަހަރުގެ އަންހެން މީހާގެ މަރަކީ އާދައިގެ މަރެއްކަމަށް ނިންމައި އަންހެންމީހާގެ ހަށިގަނޑު އާއިލާއާއި ފުލުހުން ހަވާލުކޮށްފިއެވެ.
ފުލުހުން ބުނެފައިވަނީ، ރަތަފަންދޫގައި މަރުވި އަންހެން މީހާގެ މައްސަލައިގައި މިހާތަނަށް ބެލިބެލުމުން އާދަޔާ ހިލާފު ކަމެއް ފާހަގަވެފައި ނުވާކަމަށެވެ. އަދި މިއީ އާދައިގެ މަރެއް ކަމަށް ހަށިގަނޑު ބެލި ޑޮކްޓަރުން ފުލުހުންނަށް މައުލޫމާތު ދީފައިވާކަމަށްވެސް ފުލުހުން ބުނެފައި ވެއެވެ.
މި އަންހެން މީހާ ނިޔާވިކަމުގެ ޚަބަރު ފުލުހުންނަށް ދީފައިވަނީ ގދ.ރަތަފަންދޫ ޞިއްޙީމަރުކަޒުން ރޭ ދަންވަރު 02:44 ހާއިރުކަމަށް ފުލުހުން ބުނެއެވެ. އަދި މި އަންހެން މީހާ ޞިއްޙީމަރުކަޒަށް ރޭގެންދިޔައިރުވެސް ވަނީ ނިޔާވެފައި ކަމަށް އެމަރުކަޒުން ބުނެފައި ވެއެވެ.
މި މައްސަލައިގައި ޝައްކުކުރެވޭ ކަންތައްތަކެއް ހުރުމުން އެ މައްސަލަ ފުލުހުން ތަޙްޤީޤު ކުރަމުންދާކަމަށް ފުލުހުން މީގެ ކުރިން ބުނެފައި ވެއެވެ.
