ގދ.ގައްދޫގައި ޝައްކުކުރެވޭ ގޮތަކަށް މަރުވެފައި އޮތް މީހަކު ފެނިއްޖެއެވެ.
ރޭ ފަތިހު 04:30 ހާއިރު މަރުވެފައި އޮއްވާ ފެނުނީ މެދުއުމުގެ ފިރިހެނެކެވެ.
ގައްދޫން ވާހަކަދެއްކި މީހަކު ބުނީ، މަރުވެފައި އޮއްވާ ފެނުނީ ދަންޖެހިފައިވާ މީހެއް ކަމަށް ބެލެވުނު ނަމަވެސް، އޭނާ ފެނުނު އިރު އޮތީ ބިންމަތީގައި ކަމަށާއި، އޭރު ކަރުގައި އޮތް ވާގަނޑު ވެސް އޮތީ ނައްޓާލާފައި ކަމަށެވެ.
އޭނާގެ ހަށިގަނޑުގެ އެކްސްރޭއެއް ނެގުމަށް ތިނަދުއަށް ހަށިގަނޑު ގެންދިއުމުގެ މަސައްކަތް ކުރަމުންދާކަމުގެ މަޢުލޫމާތު ވަނީ ލިބިފައެވެ.
މިފަދަ ހާދިސާއެއް ހިނގައިގެން އުޅޭކަމުގެ މަޢުލޫމާތު ލިބިފައިވާކަމަށް ގައްދޫ ކައުންސިލްގެ ރައީސް ވެސް ވަނީ ވިދާޅުވެފައެވެ. ނަމަވެސް ފުލުހުންގެ ބަހެއް އަދި ވަނީ ލިބޭގޮތް ނުވެފައެވެ.
