2016 ވަނަ އަހަރު މަރާލައިފައި، ރަޙުމްކުޑަކޮށް މަރާލާފައި އޮށްވާ މާލޭގެ މަގުމަތިން ފެނުނު ޙައްވާ ޒުހާގެ މަރުގެ މައްސަލާގައި ދައުވާލިބޭ ފަރާތަށް މަރަށް މަރުހިފަން ބޭނުން ނުވާ ކަމުގައި ޒުހާގެ 2 ވާރިސަކު މިއަދު ކޯޓުގައި ބުނެފިއެވެ.
ވާރިސުން މިހެން ބުނެފައިވަނީ މި މައްސަލާގައި ވާރިސުންގެ ބަޔާން ނެގުމަށް މިއަދު ކުރިމިނަލް ކޯޓްގައި ކުރިޔަށްދިޔަ އަޑުއެހުމުގައެވެ. އެގޮތުން ހައްވާ ޒުހާގެ މަންމަ، ނަޢީމާ މުޙައްމަދުގެ އިތުރުން އޭނަގެ އެއްބަނޑުއެއްބަފާ ކޮށްކޮ، ޙައްވާ ޝައިނާ ވަނީ ޒުހާގެ މަރުގެ މައްސަލާގައި ދަޢުވާ ލިބޭ ސުމޮން ގެ ކިބައި މަރަށް މަރު ހިފަން ބޭނުން ނުވާ ކަމުގައި ޝަރީއަތުގެ މަޖިލީހުގައި ވަނީ ބުނެފައެވެ.
ނަމަވެސް ޒުހާގެ ވާރިސެއްކަމުގައިވާ އޭނާގެ ބައްޕަގެ ބަޔާން އަދި ނަގާފައި ނުވާއިރު، މުޙާއްމަދު މަނިކުގެ ބަޔާންނެގުން އެހެން ކޯޓެއްގައި ކުރިޔަށް ގެންދާނެ ކަމަށްވެސް މިއަދުގެ ޝަރީއަތުގައި ގާޒީ ވަނީ ބުނެފައެވެ.
ނަޢީމާ މުޙައްމަދާއި އަޙްމަދު މަނިކަށް ހަތް ކުދިން ވަނީ ލިބިފައިވާއިރު، ޒުހާ އަކީ އެދެމަފިރިންނަށް ލިބުނު ހަތަރުވަނަ ކުއްޖާއެވެ.
މި މައްސަލާގައި ދަޢުލަތުން ވަނީ ސުމޮން މިއާ ގެ މައްޗަށް ގަސްދުގައި އެނގިހުރެ މީހަކު މެރުމުގެ ދަޢުވާ އުފުލާފައެވެ.
