އިންތިގާލީ އިންސާފު ޤާއިމްކުރުމަށް ދެވަނަ ޖުމްހޫރިއްޔާ ފެށުނު ހިސާބުން ނަޒަރު ހިންގަންޖެހޭކަމަށް ރައްޔިތުންގެ މަޖިލީހުގެ ހިތަދޫ އުުތުރު ދާއިރާގެ މެމްބަރު މުޙައްމަދު އަސްލަމް ވިދާޅުވެއްޖެއެވެ.
އަސްލަމް މިހެން ވިދާޅުވީ، އެޖެންޑާ 19ގެ އެއް ބިލް ކަމަށްވާ އިންތިގާލީ އިންސާފް ޤާއިމް ކުުރުމުގެ ބިލް ރައްޔިތުންގެ މަޖިލީހަަށް ހުށަހެޅި ކުރިއަށްދިޔަ ބަހުސްކުރުމުގެ މަރުހަލާގެ ތެރެއިންނެވެ.
އަސްލަމް ވިދާޅުވީ ސިޔާސީ ބޭނުމަށްޓަކައި މީހުންގެ ހައްގުތަކަށް އަރައިގަނެ، އަނިޔާދެވި، އަދަބުދެވި ހައްޔަރު ކުރެވުނީ 2012 ވަނަ އަހަރުން ފެށިގެން އެކަނި ނޫން ކަމަށެވެ.
"ސިޔާސީ ބޭނުމަށްޓަކައި ވަކިން ހާއްސަކޮށް މީހުންގެ ހައްގުތަކަށް އަރައިގަނެ، ސީދާ މީސްމީހުންނަށް އަނިޔާދެވި، އަދަބުދެވި ހައްޔަރު ކުރެވުނީ މިދިޔަ 2012 ވަނަ އަހަރުން ފެށިގެން އެކަނި ނޫން ކަމަށާއި، ރާއްޖޭގެ ތާރީހުގައި އެކި ދުވަސްވަރު އެކި މިންވަރަށް ސިޔާސީ ސަބަބުތަކަށްޓަކައި އެކިވަރުގެ ދުއްތުރާލާއި އަނިޔާއާއި ގޯނާ، ރައްޔިތުނަށް ކުރެވިދިޔަ." އަސްލަމް ވިދާޅުވިއެވެ.
އެތައްކެއް ރައްޔިތުންގެ ހަލާލު މުދާ ސަރުކާރަށް ނަގާ، އެކި ގޮތްތަށް ބަހާ، ވިއްކާ ހަދާފައިވާކަމަށް އަސްލަމް ވިދާޅުވިއެވެ.
އަސްލަމް ވިދާޅުވީ، ރަނގަޅު އިންތިގާލީ އިންސާފެއް ޤައިމްކުރަން ބޭނުންވާ ނަމަ ފައްޓަންވީ 2012 ވަނަ އަހަރުން ފެށިގެން ނޫން ކަމަށާއި އެކަން ބަލާ ތަޙްޤީޤް ކުރަންވީ ދެވަނަ ޖުމްހޫރިއްޔާއާއި ހިސާބުން ކަމަށެވެ. އަދި މިފަދަ ކަންކަން ބެލުމަށް ޤާނޫނީ ހުރަހެއް އޮތް ކަމަށް ޤަބޫލު ނުކުރައްވާ ކަމަށްވެސް އަސްލަމް ވިދާޅުވިއެވެ.
ހިޔާލު
އެމްޑީޕީ އުޅެނީ ޢަދުލު އިންސާފަކީ އިންތިގާލީ އެއްޗަކަށް ހަދައިގެން އެއީ ވަކި މުއްދަތެއްގައި އޮންނަ ކަމަކަށް ހަދަން، އަސްލު ބޭނުމަކީ މާލިއްޔަތުން ވައްކަން ކޮށް ފައިސާ ނެގުން !