ސިނަމާލެ ބުރިޖު ސަރަހައްދުން ހާލުގައި ޖެހުނު މަސްދޯންޏަކަށް މެރިން ފުލުހުން އެހީތެރިކަން ފޯރުކޮށްދީފިއެވެ.
ފުލުހުން ކުރި ޓުވީޓެއްގައި ބުނެފައިވަނީ، މޫސުން ގޯސްވެ ހާލުގައި ޖެހުނު މަސް އޮޑިޔަކަށް މެރިން ފުލުހުން އެހީތެރިކަން ފޯރުކޮށްދީ އެ ދޯނީގައި ދަތުރުކުރި މީހުންނާއި އެ ދޯނި ސަލާމަތް ކޮށްދީފައިވާ ކަމަށެވެ. އަދި މިދުވަސްވަރު ކަނޑު ދަތުރު ނުކުރެއްވުމަށްވެސް ފުލުހުން އިލްތިމާސް ކޮށްފައި ވެއެވެ.
މިދުވަސްވަރަކީ މުޅި ރާއްޖެއަށްވެސް މޫސުން ގޯސް ދުވަސްވަރެކެވެ. މިގޮތުން އުތުރާއި މެދުރާއްޖެތެރޭގެ އަތޮޅުތަކަށް ވައިގަދަވެ ވިއްސާރަކުރާނެކަމަށް ލަފާކޮށް މޫސުމާބެހޭ ޤައުމީ އިދާރާ، މެޓް އޮފީހުންވަނީ ޔެލޯ އެލާޓްވެސް ނެރެފައެވެ.
Our fearless team from #MarinePolice battled rough seas to rescue a fishing vessel and crew stranded due to bad weather near SinaMale' bridge area tonight. Kudos to the team!
We advice everyone to take safety measures and avoid travelling by sea during the yellow alert.#StaySafe pic.twitter.com/cY1FKL3zu5— Maldives Police (@PoliceMv) May 15, 2020
ހުޅަނގު މޫސުމުގެ ވިއްސާރައާ އެކު، ކުރިއަށް އޮތް ހަތަރު ދުވަހު ރާއްޖޭގެ އެކި ސަރަހައްދުތަކަށް ބޯކޮށް، މޫސުން ގޯސްވާނެ ކަމަށް މީޓިއޮރޮލޮޖިކަލް ސާވިސް އިން ވަނީ ލަފާކޮށްފަ އެވެ.
ކުރިއަށް ވަގުތުތަކަށް މޫސުން ލަފާކޮށް މެޓް އޮފީހުން ވިދާޅުވީ، ރާއްޖޭގެ ބޮޑުބަޔަކަށް ވިއްސާރަކުރާނެކަމަށާއި، ބައެއް ރަށްތަކަށް ގުގުރުމާއެކު ބޯކޮށް ވާރޭވެހެނޭ ކަމަށް ލަފާކުރެވޭކަމަށެވެ. އަދި ކޮޅިގަނޑުތަކުގައި ކަނޑުތައްވެސް ގަދަވާނެކަމަށް އެ އޮފީހުން ލަފާކުރެއެވެ.
