ބޯކޮށް ވާރޭވެހި، ފެންބޮޑުވެދާނެކަމަށް ލަފާކޮށް ބޮޑުތިލަދުންމައްޗަށް އޮރެންޖް އެލާޓް ނެރެފިއެވެ.
މެޓް އޮފީހުން އޮރެންޖް އެލާޓް ނެރެފައިވަނީ ހއ.، ހދ.، އަދި ށ. އަތޮޅަށެވެ.
މިއަދު އިރުއޮއްސި 06:30 އިން މިރޭ 08:00 އަށް ނެރެފައިވާ އޮރެންޖް އެލާޓްގައި ބުނެފައިވަނީ، އެލާޓްގެ ވަގުތުގައި އެސަރަހައްދަށް ގުގުރުމާއެކު ބޯކޮށް ވާރޭވެހި، ފެންބޮޑުވުމުގެ ހާދިސާތައް ހިނގާފާނެކަމަށް ލަފާކުރެވޭ ކަމަށެވެ.
Alert orange for torrential rain and thunderstorms with possible flooding. pic.twitter.com/MYTwWKQnGI
— Maldives Meteorology (@MetMaldives) May 29, 2020
ބޮޑުތިލަދުންމައްޗަށް އޮރެންޖް އެލާޓް ނެރުނުއިރު، ގއ. އަތޮޅުން އައްޑޫ ސިޓީއަށް އިރުއޮއްސި 06:00 އިން މިރޭ 10:00 އަށް ވަނީ ވައިޓް އެލާޓް ނެރެފައެވެ. އެސަރަހައްދަށް ވައިޓް އެލާޓް ނެރެފައިވަނީ ގުގުރުމާއެކު ބޯކޮށް ވާރޭވެހި، ވިލާގަނޑުގައި 40 މޭލަށް ވައިގަދަވާނެކަމަށް ލަފާކޮށްފައެވެ.
Alert White for heavy rain, thunderstorms and gusts of 40 mph pic.twitter.com/sWXOWvDecV
— Maldives Meteorology (@MetMaldives) May 29, 2020
މީގެ އިތުރުން މިއަދު ހަވީރު 04:30 އިން މިރޭ 20:00 އަށް ހއ. އަތޮޅުން ފެށިގެން ޅ. އަތޮޅާ ދެމެދުގެ ސަރަހައްދަށް ވަނީ ޔެލޯ އެލާޓް ނެރެފައެވެ. އެ ސަރަހައްދަށް ޔެލޯ އެލާޓް ނެރެފައިވަނީ ގުގުރުމާއެކު ބޯކޮށް ވާރޭވެހި، ވިލާގަނޑުގައި 45 މޭލަށް ވައިގަދަވާނެކަމަށް ލަފާކޮށްފައެވެ.
Alert Yellow for torrential rain, thunderstorms and gusts of 45 mph pic.twitter.com/S83tOwADQt
— Maldives Meteorology (@MetMaldives) May 29, 2020
މާދަމާ ހެނދުނު 10:00 ގެ ނިޔަލަށް ރާއްޖޭގެ މޫސުން ލަފާކޮށް މެޓް އޮފީހުން ވިދާޅުވީ، ރާއްޖޭގެ ބޮޑުބަޔަކަށް ގުގުރުމާއެކު ވިއްސާރަކުރާނެ ކަމަށާއި، ބައެއް ރަށްތަކަށް ބޯކޮށް ވާރޭވެހޭނެ ކަމަށް ލަފާކުރެވޭ ކަމަށެވެ.
"އުތުރާއި މެދުތެރޭގެ އަތޮޅުތަކަށް ހުޅަނގުދެކުނާއި ހުޅަނގުން ގަޑިއަކު 10 މޭލާއި 20 މޭލާ ދެމެދުގެ ބާރުމިނުގައި، ދެކުނުގެ އަތޮޅުތަކަށް ދެކުނާއި ހުޅަނގުދެކުނުން ގަޑިއަކު 8 މޭލާއި 18 މޭލާ ދެމެދުގެ ބާރުނިނުގައި ވައި ޖެހޭނެ. އަދި ވިލާގަނޑުގައި ގަޑިއަކު ގާތްގަނޑަކަށް 45 މޭލު ބާރުމިނަށް ވައިގަދަވުން އެކަށީގެންވޭ." މެޓް އޮފީހުން ވިދާޅުވިއެވެ.
ރާއްޖޭގެ ކަނޑުތަށް އާދައިގެ ވަރަކަށް ގަދަވެފައި ވިލާގަނޑުގައި އިތުރަށް ގަދަވާނެ ކަމަށާއި، ދިޔަވަރު ބޮޑުވާ ގަޑިތަކުގައި ދެކުނާއި މެދުތެރޭ ބައެއް ރަށްތަކަށް އުދައިގެ އަސަރު ކުރުން އެކަށީގެންވާ ކަމަށް ލަފާކުރެވޭއިރު، ހުރިހާ ފަރާތްތަކުންމޫސުމަށް ސަމާލުވުމަށް މެޓް އޮފީހުން ވަނީ އިލްތިމާސް ކޮށްފައެވެ.
