ވެރިކަން ހިންގާފަރާތަށް ލިބޭ ބާރުތައް މަޖިލީހަށް ނެގުމަސް ތާޢީދު ނުކުރާ ކަމުގައި ތިމަރަފުށީ ދާއިރާގެ މެންބަރު އަދި ކުރީގެ ކޮމިޝަނަރ އޮފް ޕޮލިސް ޢަބްދުﷲ ރިޔާޒް ވިދާޅުވެއްޖެއެވެ.
ޢަބްދުﷲ ރިޔާޒް މިހެން ވިދާޅުވެފައި މިވަނީ މިހާރު މަޖިލީހުގައި ކުރިޔަށްދާ ދިވެހި ފުލުހުންގެ ޚިދުމަތުގެ ބިލަށް ބަހުސް ކުރައްވަމުން މައްޗަންގޯޅި އުތުރު ދާއިރާގެ މެމްބަރު މުހައްމަދު ރަޝީދު ފުލުހުންނަށް ވަރަށް ބޮޑަށް ފާޑު ވިދާޅުވުމާއި ގުޅިގެންނެވެ.
އެގޮތުން މެންބަރު މުޙައްމަދު ރަޝީދު ވިދާޅުވެފައިވަނީ ފުލުހުން މާ ސްމާޓް އެއްޗެހި ލައްވާފައި ބައިތިއްބަން ނުޖެހޭކަމަށާއި، އޭގެ ބަދަލުގައި ފުލުހުން މަގުމައްޗަށް ނެރެންވީ ސަރުދާރުންގެ ގޮތުގައި އަތަށް ކުދި ދަނޑިބުރި ދީފައިކަމަށެވެ. ފުލުހުންނަށް ބާރެއް ދީފިއްޔާ އެމީހުންގެ ފަރާތުން މާ ނުބައި ކަންތައްތައް ވެގެންދާކަމުގައި މުޙައްމަދު ރަޝީދު ވަނީ ވިދާޅުވެފައެވެ.
މުޙައްމަދު ރަޝީދުގެ ވާހަކަ ފުޅާއި ގުޅިގެން ކުރީގެ ކޮމިޝަނަރ އޮފް ޕޮލިސް ވަނީ އެކަމާއި ނުރުހުންވެ ރައްދު ދެއްވާފައެވެ. އެގޮތުން މެންބަރު ޢަބްދުﷲ ރިޔާޒް ވިދާޅުވީ، ފުލުހުން ރިފޯރމް ކުރުމުގެ ނަމުގައި ވެރިކަން ހިންގާފަރާތައް ލިބިދޭ ބާރުތައް މަޖިލިހަށް ނެގުމަށް ތާއިދު ނުކުރާކަމަށާއި، ފުލުހުން އަޅާނެ ޔުނިފޯރމާއި ގެންގުޅޭނެ އާލާތްތައް ކަނޑައެޅުމަކީ ވެރިކަން ހިންގާފަރާތަށް އޮންނަންވާނެ ބާރެއްކަމަށް ދެކިލައްވާކަމަށެވެ.
ހިޔާލު
ރިޔާޒު ތާއީދުތާ ނުކުރާނީ! އެކަމަކު މަޖިލިހުން ތިކަން ކުރާނީ ރިޔާޒުގެ ވޯޓްވެސް ޙިމެނިގެން. ދަންވަރު ގާނޫނާއި ހިލާފަށް ގެނައި ގެނައި އިސްލާހަށް ވޯޓްދިނީތީ އެކަން ސާފުވޭ. ކެނެރޫން ބޮޑުވަޒީރަކަށް އަންނާނީ ކަލޭމެން ހިއްކަން އަޅާފައި. އެއަށްފަހު ދެންއޮތީ އެމީހުން ކުރިން ބުނެފަވާ ބަގާވާތުގެ މައްސަލައިގެ މީހުންގެ ދުވަސް ދުއްވާލުން. ރިޔާޒް އަކީވެސް ބާގީއެއް ކަމައް އެމީހުން ނުގޮވާތަ؟ ބަލަންހުރޭ..