ވ. ރަކީދޫ ބަނދަރު ހެދުމާއި، ރ. ވަންދޫ ބަނދަރު މަރާމާތުކުރުމުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ، އެމް.ޓީ.ސީ.ސީން ފަށައިފިއެވެ.
އެމްޓީސީސީން ވިދާޅުވީ، މި ޕްރޮޖެކްޓްގެ ދަށުން ރަކީދޫ ބަނދަރު ސަރަހައްދު ފުން ކުރުމާއި ބްރޭކްވޯޓާ އާއި ރިވެޓްމެންޓްގެ މަސައްކަތް ކުރުމަށް ހަމަޖެހިފައިވާ ކަމަށެވެ. އަދި ބަނދަރު ސަރަހައްދުގެ ޕޭވްމެންޓް ހެދުމާއި ބޮކި ހަރުކުރުމަށް ވެސް ވަނީ ހަމަޖެހިފައި ކަމަށް އެމްޓީސީސީން ވިދާޅުވިއެވެ.
މީގެ އިތުރުން ރ. ވަންދޫ ބަނދަރު ފުންކުރުމާއި މަރާމާތުކުރުމުގެ މަސައްކަތްވެސް އެމް.ޓީ.ސީ.ސީން މިއަދު ވަނީ ފަށާފައެވެ. މި މަޝްރޫޢުގެ ދަށުން ވަންދޫ ބަނދަރުގައި މިހާރު ހުރި ސިމެންޓް ބޭގް ވޯލް ސްޓްރަކްޗަރާއި ބަނދަރުގެ އެއްގަމުތޮށިން ހަލާކުވެފައިވާ ތަންތަން ނެގުމާއި، ބަނދަރުގެ 1870 ކިއުބިކް މީޓަރުގެ ސަރަޙައްދެއް ފުން ކުރުމަށް ވަނީ ހަމަޖެހިފައެވެ. އަދި 75 މީޓަރުގެ އެއްގަމު ތޮށްޓެއްލާ، ކުރިން ހަލާކުވެފައި ހުރި ތަންތަން ޕްރީކާސްޓް ބްލޮކްސް ބޭނުންކޮށްގެން ބެއްދުން ހިމެނޭ ކަމަށްވެސް އެމްޓީސީސީން ވިދާޅުވިއެވެ.
We have mobilized our project team to V. Rakeedhoo harbor project site on 19th June 2020. The project which received EIA approval on 26th December 2019 involves the design and build of V. Rakeedhoo harbour. (1/3) pic.twitter.com/Dj0KEb6wJc
— MTCC Plc (@MTCCPlc) June 21, 2020
މި ދެ ޕްރޮޖެކްޓަށް 24.49 މިލިއަން ރުފިޔާ ހޭދަވާނެ ކަމަށް އެމްޓީސީސީ އިން ވިދާޅުވިއެވެ.
