ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިޙްގެ ބާރެއް ނެތް ކަމަށާއި އަވަސް އިންތިހާބެއް ބާއްވަން ޖެހޭކަމަށް ޕީއެންސީގެ ނައިބު ރައީސް އަދި މާވަށު ދާއިރާގެ މެންބަރު މުޙައްމަދު ސައީދު ވިދާޅުވެއްޖެ އެވެ.
މިއަދުގެ ރައްޔިތުން މަޖިލީހުގެ ޖަލްސާގައި ވާހަކަ ދައްކަވަމުން ކުރީގެ އެކޮނަމިކް މިނިސްޓަރ މުޙައްމަދު ސައީދު ވިދާޅުވީ މަސްވެރިކަމުގެ ގަނޫނެއް މަޖިލީހުން ފާސްވެގެން ދިޔައީ އެތައް ގަރާރެއް އެތައް ގަޑިރެއް މަޖިލީހުގަައި މަޝްވަރާ ކުރެވިގެން ކަމަށާއި މިއުޅެނީ އޭގެ ގަވާއިދު ނުހެދިގެންކަމަށާއި ޕާޓީގެ ލީޑަރު ތި ވިދާޅުވަނީ އެކަމާ ބެހޭ ވަޒީރު ނުވަތަ ވުޒާރާ އިން އެ މަސައްކަތް ނުކުރިއޭ ކަަމަށެވެ.
"މ. މުލަކުން ކޮވިޑަށް ޕޮޒިޓިވް ވެގެން ދިޔަ މަޔަކު ބުނީ ދަރިފުޅުގެ އަތުގައި އަޅާނެ ޕްލަސްޓަރު ނެތިގެން މާލެ އައުމުން ކަމަށް ކޮވިޑް-19 އަށް ޕޮޒިޓިވްވީ. އަތޮޅު ހޮސްޕިތަލުން މިވަރުގެ ކަމެއް ވެސް ނުކުރެވޭ" ސައީދު ވިދާޅުވިއެވެ.
ސައީދު ވިދާޅުވީ، މިޔަށް ހެޔޮ އިސްލާހު ކިޔާނަމަ ދިވެހި ރައްޔިތުންނަށް ހެޔޮ އިސްލާހު އޮޅިއްޖެ ކަމަށާއި މިއަދު ދިވެހި ސަރުކާރެއް ނެތް ކަމަށައި ރައީސް އިބްރާޙިމް މުޙައްމަދު ޞާލިޙްގެ ބަރެއް ނެތް ކަމަށެވެ. އަދި މިއަދު އަވަސް އިންތިހާބަކަށް ދާންޖެހޭ ކަމަށެވެ.
ސައީދު އިތުރަށް ވާހަކަ ދައްކަވަމުން ވިދާޅުވީ މި ފެންނަނީ ކޮވިޑް-19 ގެ ކަންތައްތައް ހައްދުފަހަނަ އަޅައިގެން އަތުން ނައްޓައިގެން ދާތަން ކަމަށާއި ރާއްޖޭގެ މިހާލަތާ ދޭތެރޭ ތަންކޮޅެއް ބޮޑަށް ވިސްނަން ޖެހޭ ކަމަށެވެ.\
ރައީސް ޞާލިޙްގެ ބަރެއް ނެތް! އަވަސް އިންތިހާބެއް ބާއްވަން ޖެހޭ: ސައީދު
