ދިވެހިރާއްޖެ އަށް މިނިވަންކަން ލިބުނީއްސުރެ އިންޑިއާއިން ރާއްޖެއަށް އެހީތެރިވުން ނޫން ކަމެއް ނުކުރާ ކަމަށް މަޖިލީހުގެ އައްޑޫ މީދޫ ދާއިރާގެ އެމްޑީޕީގެ މެންބަރު ރޮޒައިނާ އާދަމް ވިދާޅުވެއްޖެއެވެ.
ރޮޒެއިނާ ރޭ ކުރެއްވި ޓްވީޓެއްގައި ވިދާޅުވީ، ރާއްޖެ އަށް މިނިވަންކަން ލިބުނީއްސުރެ އިންޑިއާއިން ރާއްޖެއަށް އެހީތެރިވުން ނޫން ކަމެއް ނުކުރާ ކަމަށާއި އިންޑިއާ އިން ރާއްޖެ ބަންދު ނުކުރާ ކަމަށާއި ޕެޕާ ސްޕްރޭ ވެސް ނުޖަހާ ކަމަށާއި އަދި ރާއްޖޭގެ ފަނޑިޔާރުންވެސް ޖަލަށް ނުލާ ކަމަށެވެ. އަދި ރާއްޖެއަށް އެންމެ އެހިތެރިކަން ބޭނުންވާ ވަގުތުު އިންޑިއާއިން އެހީތެރިކަން ފޯރުކޮށްދީފައިވާ ކަމަށް ވެސް ވިދާޅުވިއެވެ.
Yet the same ppl are talking about India being a threat to our independence. Yet, from the time Maldives gained independence, they have done nothing but help us in our times of need. They didn’t lock us up, pepperspray us, arrest our judges. Ppl didn’t die in jail bcos of them!
— ?? ??????? ???? ? (@Roxeyna) September 8, 2020
ރޮޒެއިނާ އިތުރަށް ވިދާޅުވީ، ޕީޕީއެމް އަދި ޕީއެންސީން މިނިވަންކަމުގެ ވާހަކަ ދެއްކުމުން ވަނީ ޖޯކަކަށް ކަމަށާއި އޭނާގެ ހަޔާތުގެ 43 އަހަރުގައި މިނިވަންކަން އެންމެ ބޮޑަށް ގެއްލުނުކަމުގެ އިހްސާސް ކުރެވުނީ ރައީސް ޔާމީންގެ 5 އަހަރުގައި ކަމަށެވެ.
އެތައް ބަޔަކު ސިޔާސީ ބޭނުމަށް ޖަލަށް ލަފައިވާ ކަމަށާއި އެގޮތުން ރައްޔިތުން މަޖިލީހުގެ މެންބަރުން ވެސް ޖަލަށް ލާފައިވާ ކަމަށް ރޮޒެއިނާ ވިދާޅުވިއެވެ.
“އެތައް ބަޔަކު ސިޔާސީ ބޭނުމަށް ޖަލަށް ލާފައިވޭ. ދެން ޖަލަސް ދާން ޖެހޭނީ ކަކު ކަމެއް ނޭގޭތީ އެންމެން ވެސް ތިބީ ބިރުވެރިކަމެއްގައި. ހިޔާލުފާލުކުރުމުގެ މިނިވަންކަންމެއް ނެތް. ރައްޔިތުންގެމަޖިލިސް ބަންދުކުރި.” ރޮޒެއިނާ ވިދާޅުވިއެވެ.
އިދިކޮޅު ގިނަ އަދަދެއްގެ ބަޔަކު އިންޑިއާ އިން ރާއްޖެއަށް އަތްގަދަ ކުރަމުންދާ ކަމަށް ބުނެ “އިންޑިއާއައުޓު” ގެ ނަމުގައި ސޯޝަލް މީޑިއާގައި ކެމްޕެއިނެއް ފައްޓާފައިވެއެވެ. އެގޮތުން ގިނަ ބަޔަކު އަންނަނީ މި ގައުމަށް އިންޑިއާ އިން އެހީތެރިކަން ދެނީ އިންޑިއާގެ އަސްކަރީ ސިފައިން ރާއްޖޭގައި ބެހެއްޓުމަށް ކަމަށް ބުނަމުންނެވެ. ނަމަވެސް ސަރުކާރުން ވަނީ އެކަން ދޮގު ކޮށްފައެވެ.
