ދީނަށް ފުރައްސާރަކުރާ މީހުންނަށް ހަރުކަށި ފިޔަވަޅު އެޅުމަށް މާމިގިލި ދާއިރާގެ އިއްޒަތްތެރި މެމްބަރު މަޝްހޫރު ވިޔަފާރި ވެރިޔާ އަދި ޖުމްހޫރީ ޕާޓީގެ ލީޑަރ ޤާސިމް އިބްރާޙީމް ޤާސިމް ގޮވާލައްވައިފިއެވެ.
ޤާސިމް މިކަމަށް ގޮވާލައްވާފައި މިވަނީ އެމަނިކުފާނު މިއަދު ކުރެއްވި ޓްވީޓެއްގައެވެ.
"މި ހާރަކަށްއައިސް މާތް ﷲ ވޮޑިގެން ނުވާކަމަށް ބުނަމުން ދިޔުމާއި ރަސޫލާއަށް ތަފާތު ގޮތްގޮތަށް ދިމާކޮށް އެކިކަހަލަ މަލާމާތްކޮށް ފާޅުގައި ފާޑުކިޔުން މިޤައުމުގައި ކިޔަމުން ގެންދާކަން އެންމެ ހަރުކަށި އިބާރާތުން ކުއްވެރިކުރަން، މިކަމަށް އެންމެ ހަރުކަށި ފިޔަވަޅު އަޅަން ގޮވާލަން" ޤާސިމް ވިދާޅުވިއެވެ.
“ Mi haarakah ais may Allah vodigen Nuvaa kamah bunamun dhiumaa Rasoolaa ah Thafaathu goiy gothah dhimaakoh Eki kahala malaamaykoh faalhugai faadu kiun mi Qaumugai kiyamun gendhaa kan enme haru kashi ibaaraathun kuhveri kuran mikamah enme harukashi fiyavalhu alhan govaalan .
— Qasim Ibrahim (@qasimibrahim) October 4, 2020
ޤާސިމް މިހެން ވިދާޅުވެފައިވާ މިދަނޑިވަޅަކީ އަވަށްޓެރި އިންޑިއާގެ ރައްޔިތަކު ދިވެހިރާއްޖޭގައި، މާތްވެގެންވާ އިސްލާމްދީނަށް ފާޅުގައި ފުރައްސާރަކުރި މައްސަލައެއް ފެންމަތިވެފައިވާ ދުވަސްވަރެއްގައެވެ.
މާލޭ މަގުމަތީ މަސްތުގެ ހާލަތުގައި ހުރެ އިންޑިއާ ރައްޔިތަކު ވަނީ މާތް ﷲ އަށް ހުތުރު ބަސްބުނެ، އިސްލާމްދީނަށް ފުރައްސާރަކޮށް، ރާއްޖޭގެ ކޯޓުތަކާއި ޤާނޫނުތަކަށް ގޮންޖަހައި ވާހަކަދައްކާފައެވެ.
މި މީހާ ދީނަށް ފުރައްސާރަ ކުރި މައްސަލަ ބަލަމުން ދޭތޯ ސުވާލުކުރުމުން ފުލުހުންގެ ފަރާތުން މިހާތަނަށް މިކަމަށް އެދެވިގެންވާ ޖަވާބެއް ދެއްވާފައެއް ނުވެއެވެ.
