ޖެޓީގައި އޮތް ދޯންޏަކަށް ވައްކަންކުރަން އެރިކަމަށް ތުހުމަތުކޮށް ޒުވާނަކު ބަނދެ ވަރަށް ރަޙުމްކުޑަކޮށް ތަޅާ އަނިޔާކޮށްފިއެވެ.
ފުލުހުން ވިދާޅުވީ މިހާދިސާ ހިނގާފައި ވަނީ މިދިޔަ ބުރާސްފަތި ދުވަހުހެރޭ 19:25 އެހާކަންހާއިރު ހުޅުމާލެ ކަންނެލި ޖެޓީގަ އޮތް ދޯންޏެއްގައެވެ. އެގޮތުން އެ ދޯންޏަށް އެމީހާ އެރިކަމަށްބުނެ އެމީހާއަށް އަނިޔާކުރި މައްސަލަ ބަލަމުންދާކަމުގައި ފުލުހުން ވަނީ މި ނޫހަށް ވިދާޅުވެފައެވެ.
ސޯޝަލް މީޑިއާގައި ދަޢުރުވަމުންދާ މި ވީޑިއޯގައި ފެންނަ ގޮތުން އެމީހާ ވަނީ ބޮކްސާ ކޮޅަށް ހަދާލައި އަތާއި ފައި ބަނދެފައެވެ. އެ ދޯނީގެ ތައްޓުމަތީގައި އެމީހާ އޮތް އިރު އެމީހާ ވަށައިގެން ގިނަ އަދަދެއްގެ މީހުން ތިބި މަންޒަރު ފެނެއެވެ. އަދި އެމީހުން އޭނާގައިގައި ފައިންނާއި ލަޓިބުރި ފަދަ އެއްޗެހި ބޭނުން ކޮށްގެ ތަޅާ އަނިޔާ ކުރާ މަންޒަރުވެސް މި ވީޑިއޯއިން ފެނެއެވެ.
މީގެ އިތުރުން އެމީހުން ދިޔައީ އެމީހާއާއި ދިމާއަށް ވަރަށް ބާރަށް ހަޅޭއްވެސް ލަވަމުންނެވެ. އެގޮތުން އެ ދޯނިން ނެގި ލާރި ކޮބާތޯއާއި ފޯނު ކޮބާތޯ އެމީހާއައި ސުވާލު ކުރާ އަޑު ވީޑިއޯއިން އިވެއެވެ.
He was in wrong, Yes that I do understand but is this humane?
Beating him to the level that could cripple him.
Is he the only criminal in this video.
What are we to call those who beat him up and even supported the beating?@PoliceMv @M_Hameedh @ShimranAb @hrcmv @mvpeoplesmajlis pic.twitter.com/zZ3GjBEIur— PAX (@MrPhazyl) November 21, 2020
މި ޑީއޯ ދަޢުރުވާން ފެށުމާއެކު ގިނަ ބަޔަކު ދިޔައީ އެ ޢަމަލަށް ވަރަށް ބޮޑަށް ނުރުހުން ފާޅުކޮށް މާޑު ކިޔަމުންނެވެ. އެގޮތުން މީހަކު ބުނެފައި ވަނީ ވައްކަން ކުރި މީހާވެސް އަދި އޭނަ އަށް އަނިޔާކޮށް މާރާމާރީ ހިންގި މީހުންވެސް ގޯސްކަމަށެވެ. "މީކީ ނޫން އިންސާފު ޤާއިމް ކުރުމަކީ" އޭނާ ބުނެފައިވެވެ.
މި މައްސަލައާއި ގުޅިގެން ޔޫތް މިނިސްޓަރުވެސް ވަނީ އޭނަ އޮރިޔާންކޮށް އަނިޔާ ކުރުމުން އެކަން ކުއްވެރިކޮށްފައެވެ.
