މ. މުލީގައި މަސައްކަތްކުރާ ފުލުހެއްގެ ސައިކަލެއްގައި ރޭގެ ވަގުތެއްގައި ރޯކޮށް އަންދާލައިފިއެވެ.
ފުލުހުންގެ މީޑިޔާ އޮފިޝަލާއި ހަވާލާދީ އޮންލައިން ނޫސް "ސީއެންއެމް" ގައި ރިޕޯޓްކޮއްފައިވާ ގޮތުގައި މ.މުލީ މަގުމަތީ ގައި ޕާކް ކޮށްފައިހުރި ފުލުހެއްގެ ސައިކަލުގައި ރޯ ކޮށްލާފަވާކަމުގެ މައުލޫމާތު މިއަދު ހެނދުނު 5:45 ހާއިރު ފުލުހުންނަށް ލިބިފައިވާކަމަށެވެ.
މިހާދިސާގައި އެއްވެސް މީހަކަށް އަނިޔާއެއް ލިބިފައިނުވި ނަމަވެސް ސައިކަލުގައި ރޯވެ ވަނީ އެއްވެސް ބޭނުމެށް ނުކުރެވޭ ވަރަށް ހަލާކުވެފައެވެ.
މިމައްސަލަ ފުލުހުން އިތުރަށް ދަނީ ތަހުޤީޤް ކުރަމުންނެވެ.
