ހުޅުމާލޭގެ މޫދު ސަރަހައްދުން ނުރައްކާތެރި ޖެލީފިޝް ތަކެއް ފެންނަ ކަމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ބުނެފިއެވެ.
އެޗްޑީސީން ބުނެފައިވަނީ ހުޅުމާލޭ ގޮނޑުދޮށުން ޖެލީ ފިޝްގެ ބާވަތެއްކަމަށްވާ "ބްލޫ ބަޓަން ޖެލީފިޝް" އަދި "ބްލޫ ބޮޓަލް ޖެލީފިޝް" ފެނިފައިވާކަމަށެވެ.
އަދި މި ޖެލީ ފިޝްތަކާއެކު ހުޅު މާލެ ގޮނޑުދޮށް ރެދަނުން ދިއްލި މިއީ ބަލައިލަން ރީތި މަންޒަރަކަށް ވިޔަސް، މި ޖެލީ ފިޝްއަށް ސަމާލުވުމަށްވެސް އެޗްޑީސީން ބުންޏެވެ.
އެޗްޑީސީން ބުނީ، މި ޖެލީފިޝް ތަކަކީ ކަށި ޖަހާ ބާވަތެއްކަމަށާއި، އަދި އޭގެސަބަބުން ބައެއް ބޭފުޅުންނަށް އެލާޖިކް ރިކެއްޝަނެއް މެދުވެރިވެދާނެކަމަށެވެ. އެގޮތުން ހާއްސަކޮށް ކުޑަ ކުދިންނާއި އުމުރުން ދުވަސްވީ މީހުން މި ކަމަށް ސަމާލުވުން މުހިންމުކަމުގައިވެސް އެޗްޑީސީން ބުންޏެވެ.
Though it is a sight to capture, please be careful of these jellyfish while approaching the waters of Hulhumalé especially the children, elderly and the people prone to allergies. pic.twitter.com/EQ5RGSPSoh
— HDC (@hdcmaldives) December 21, 2020
އެޗްޑީސީން މިގޮތަށް ޓްވީޓްކޮށްފައި މިވަނީ ހުޅުމާލޭގެ ގޮނޑުދޮއްތައް ރޭ ރެދަނުން ދިއްލި އެމަންޒަރުތަކުގެ ހިތްގައިމު ފޮޓޯތައް މީސްމީޑިއާގައި ގިނަ ބަޔަކު ޙިއްސާކޮށްފައިވަނިކޮށެވެ. އަދި ގިނަ ބަޔަކު މިމަންޒަރުތައް ބެލުމަށް ހުޅުމާލެ ގޮނޑުދޮށަށް އެއްވާކަންވެސް ފާހަގަކޮށްލެވެއެވެ.
https://feshun.wonstasite.com/106113
