ރާއްޖެއިން ބޭރުކުރަން އުޅުނު މިޔަރު އުރަހަތަކެއް އަތުލައިގެންފިއެވެ.
މޯލްޑިވްސް ކަސްޓަމްސް ސަރވިސްއިން ވިދާޅުވި ގޮތުގައި ބޭރުކުރަން އުޅުނު މިމިޔަރު އުރަހަ ތަކުގެ ބަރުދަނުގައި 429 ކިލޯ ހުންނާނެއެވެ.
އޭވިއޭޝަން ސެކިއުރިޓީ ކޮމާންޑާއި ކަސްޓަމްސް އާއި ގުޅިގެން ވެލާނާ އިންޓަރނޭޝަނަލް އެއާޕޯޓުން އަތުލައިގެން މިމިޔަރު އުރަހަތައް ހުރީ ޖުމްލަ 21 ފޮއްޓެއްގައި ބަންދުކޮށްފައިކަމަށްވެސް ކަސްޓަމްސްއިން ވިދާޅުވިއެވެ.
އަދި މިތަކެތި ބަންދުކޮށްފައި ހުރީ ލޮނު މަސް ޝިޕްމެންޓެއްގެ ގޮތުގައެވެ.
A total of 21 boxes containing 429kg of shark fins has been seized at Velana International Airport by Customs together with @AVSECOMmv .The shark fins were concealed in a shipment declared as salt fish. Further investigations ongoing.@MoEnvmv @MariyaDidi @MoFMRAmv pic.twitter.com/85jvLSJMoo
— Maldives Customs (@CustomsMv) January 3, 2021
އިތުރު ތަފްޞީލެއް ދެއްވާފައިނުވާއިރު، ކަސްޓަމްސްއިން ވިދާޅުވީ، މިމައްސަލަ އިތުރަށް ތަޙުޤީޤުކުރަމުން ދާކަމަށެވެ.
