ކްލަބު ލެވެލްގައި ވާދަވެރި ކްރިސްޓިއާނޯ ރޮނާލްޑޯއަށްވުރެ ގިނަ ހިލޭ ޖެހުން ލިއޮނަލް މެސީ ކާމިޔާބުކޮށްފިއެވެ.
ސްޕެނިޝް ލަލީގާގައި ރޭ ގްރަނަޑާއާއި ދެކޮޅަށް ކުޅުނު މެޗުގައި ލިބުނު ހިލޭ ޖެހުމުން މެސީ ކާމިޔާބުކޮށްދިން ލަނޑަކީ ހިލޭ ޖެހުމުން ބާސެލޯނާއަށްް އޭނާ ކާމިޔާބުކޮށްދިން 48 ވަނަ ލަނޑެވެ. ވާދަވެރި ރޮނާލްޑޯ ކްލަބް ލެވެލްގައި މިހާތަނަށް ކާމިޔާބުކޮށްފައިވަނީ 47 ހިލޭ ޖެހުމެވެ.
ގްރާނާޑާގައި ކުޅުނު މިމެޗު ބާސެލޯނާއިން ފަޞޭޙަކަމާއެކު ކާމިޔާބުކޮށްފައިވަނީ 0-4 ގެ ނަތީޖާއަކުންނެވެ. ރޭގެ މެޗުގައި ބާސެލޯނާއަށް ލަނޑުތައް ޖަހާދީފައިވަނީ އެންޓޮއިން ގްރިޒްމަންއާއި މެސީއެވެ. މިދެކުޅުންތެރިން ކޮންމެ ކުޅުންތެރިޔަކު ދެލަނޑު ކާމިޔާބުކޮށްފައިވެއެވެ.
Lionel Messi has now scored more free kicks for Barcelona (48) than Cristiano Ronaldo has in his club career (47) ???? pic.twitter.com/vQseYu7gIg
— ESPN FC (@ESPNFC) January 9, 2021
މީގެއިތުރުން ރޭގެ މެޗުގައި މެސީ ކާމިޔާބުކޮށްދިން ދެލަނޑާއެކު އޭނާވަނީ މިސީޒަންގެ އެންމެ ގިނައިން ލަނޑު ޖެހި ކުޅުންތެރިންގެ ލިސްޓުގެ އެއްވަނައަށްވެސް އަރާފައެވެ. 17 މެޗުން ކާމިޔާބުކުރި 11 ލަނޑާ 2 އެސިސްޓާއެކު މެސީއަށް ލިސްޓްގެ އެއްވަނަ ލިބޭއިރު، ދެވަނާގައި އޮތީ ވިލަރެއާލްގެ ޖެރާޑް މޮރޭނޯއެވެ. މޮރޭނޯވަނީ މިހާތަނަށް ކުޅުނު 16 މެޗުން 10 ލަނޑު ޖަހައި 2 އެސިސްޓް ހަދާފައެވެ.
▪ LEO MESSI – 11
▪ Gerard Moreno – 10????????❤️ Messi is now the OUTRIGHT TOP SCORER in #LaLigaSantander! #GranadaBarça pic.twitter.com/OsAmaEiXRz
— LaLiga English (@LaLigaEN) January 9, 2021
ރޭގެމޮޅާއެކު ބާސެލޯނާއިންވަނީ ތާވަލްގެ ތިން ވަނައަށް ޖެހިލާފައެވެ. ބާސެލޯނާ ތިންވަނާގައި އޮތީ 18 މެޗުން ލިބުނު 34 ޕޮއިންޓާއެކުގައެވެ. ވާދަވެރި ރެއަލްމެޑްރިޑް ދެވަނާގައި އޮތީ 18 މެޗުން ލިބުނު 37 ޕޮއިންޓާއެކުގައެވެ. ތާވަލްގެ އެއްވަނާގައި އެތުލެޓިކޯ މެޑްރިޑްއޮތީ 38 ޕޮއިންޓާއެކުގައެވެ. އެތުލެޓިކޯއިން ކުޅެފައިވަނީ އެންމެ 15 މެޗެވެ.
???? @FCBarcelona's win sees them close the gap on the top two in #LaLigaSantander. ????❤️#LiveStandings pic.twitter.com/29TnitZyQa
— LaLiga English (@LaLigaEN) January 9, 2021
ވާދަވެރި ރެއަލްމެޑްރިޑް ރޭ އޮސަސޫނާއާއި ދެކޮޅަށް ކުޅުނު މެޗު ނިމިފައިވަނީ އެއްވެސް ޓީމަކަށް ލަނޑެއް ނުޖެހި ދެޓީމު އެއްވަރު ވެގެންނެވެ.
FT #OsasunaRealMadrid 0-0
All square at El Sadar between @caosasuna_en and @realmadriden. ????#LiveResults pic.twitter.com/LnGLt3qWaM
— LaLiga English (@LaLigaEN) January 9, 2021