ފުޓްބޯޅައިގެ ތާރީޚުގައި އެންމެގިނަ ލަނޑުޖެހި ކުޅުންތެރިޔާގެ ރެކޯޑު ހަދާފައިވަނީ އޮސްޓްރިއާގެ ލެޖެންޑް ޖޯސެފް ބިޗްސަން ހަދާފައިވާ ރެކޯޑާއި، ޕޯޗުގަލްގެ ތަރި ކްރިސްޓިއާނޯ ރޮނާލްޑޯ ހަމަހަމަ ކޮށްފިއެވެ.
އިޓާލިއަން ސެރިއާގައި ރޭ އަމިއްލަ ދަނޑުގައި ސަސޫލޯއާއި ދެކޮޅަށް ކުޅުނު މެޗު 3-1 ގެ ނަތީޖާއަކުން ޔުވެންޓަސް ކާމިޔާބުކޮށްފައިވާއިރު، މިމެޗުގައި ޔުވެންޓަސްއިން ޖެހި ތިންވަނަ ލަނޑު މެޗުގެ އިތުރު ވަގުތުގައި ކާމިޔާބުކޮށްފައިވަނީ ރޮނާލްޑޯއެވެ.
އަރިމަތިން ބޯޅައާއެކު އަރާ ތިރިތިރިން ގޯލްގެ ދުރު ތިރީ ކަނަށް ބޯޅަ ފޮނުވާލައިގެން ރޮނާލްޑޯ ކާމިޔާބުކުރި މިލަނޑަކީ ކެރިއަރުގައި އޭނާ ކާމިޔާބުކުރި 759 ވަނަ ލަނޑެވެ. އަދި މިލަނޑާއެކު ރޮނާލްޑޯވަނީ ލެޖެންޑް ޖޯސެފް ބިޗްސަންގެ ރެކޯޑާއި ހަމަހަމަކޮށްފައިވާއިރު، ފުޓްބޯޅައިގެ ތާރީޚުގައި އެންމެގިނަ ލަނޑުޖެހި ކުޅުންތެރިޔާއަށް ވާން ރޮނާލްޑޯ މިހާރު ބޭނުންވަނީ އެންމެ ލަނޑެކެވެ.
Cristiano Ronaldo: joint highest goalscorer of all time with 759 goals.
One more and he'll break Josef Bican's record ???? pic.twitter.com/JyVCluYf83
— B/R Football (@brfootball) January 10, 2021
ޔުވެންޓަސްގެ އަނެއް ދެލަނޑު ޑެނީލޯއާއި ރަމްސޭ ކާމިޔާބުކޮށްދީފައިވާއިރު، ސަސޫލޯގެ ހަމައެކަނި ލަނޑު ކާމިޔާބުކޮށްދީފައިވަނީ ޑެފްރެލްއެވެ. މީގެއިތުރުން މެޗުގެ ފުރަތަމަ ހާފުގެ އިތުރު ވަގުތުގައި ސަސޫލޯގެ އޮބިއަންގއަށް ދެއްކި ރަތްކާޑާއެކު މެޗުގެ ބާކީބައި ސަސޫލޯއިން އެއްކުޅުންތެރިޔަކު މަދުކޮށް ފުރިހަމަކޮށްފައިވާކަންވެސް ފާހަގަކޮށްލެވެއެވެ.
33 ޕޮއިންޓާއެކު ޔުވެންޓަސް އޮތީ ތާވަލްގެ ހަތަރުވަނާގައެވެ. އެއްމެޗު އިތުރަށްކުޅެ ތިންވަނާގައި އޮތް ރޯމާއަށް ލިބިފައިވަނީ 34 ޕޮއިންޓެވެ. 40 ޕޮއިންޓާއެކު އޭސީ މިލާން އެއްވަނާގައި އޮތްއިރު، ދެވަނާގައި އިންޓަރ މިލާން އޮތީ 37 ޕޮއިންޓާއެކުގައެވެ.
ލީގުގައި ކުރިއަށްއޮތް މެޗުގައި ޔުވެންޓަސް ބައްދަލުކުރަން ޖެހޭނީ ތާވަލްގެ ދެވަނާގައި އޮތް އިންޓަރ މިލާންއާއެވެ. ސެންސީރޯގައި ކުޅޭ އެމެޗު ފަށާނީ މިމަހުގެ 17 ވަނަ ދުވަހުގެ ރޭ 12:45 ގައެވެ.
Most OFFICIAL goals in football history:
1. Josef Bican - 759.
2. Cristiano Ronaldo - 759
3. Pelé - 757.Cristiano Ronaldo has EQUALLED Bican's official goal tally and becomes the footballer with the JOINT-MOST official goals in history. pic.twitter.com/1XrYt6sFzJ
— The CR7 Timeline. (@TimelineCR7) January 10, 2021
