ކޮވިޑް-19 ގެ ސަބަބުން މަޑުޖެހިފައިވާ ރާއްޖޭގެ އިގްތިޞާދު ކޮޅަށް ނެގުމަށްޓަކައި ދަތިކަމުގެ ތެރޭގައި ވެސް ޗައިނާއިން އެއްބާރުލުން ދޭނެކަމަށް ޗައިނާ އިން ރާއްޖެއަށް ކަނޑައަޅުއްވާފައި ހުންނަވާ ސަފީރު ޖަންގް ލީޖޮންގް ވިދާޅުވެއްޖެއެވެ.

ސަފީރު މިއަދު ކުރެއްވި ޓުވިޓެއްގައި ވިދާޅުވީ ރާއްޖެއިން ދެމުން އަންނަ އެއްބާރުލުމާ އެކު، ބެއިޖިން އާބަން ކޮންސްޓްރަކްޝަން ގްރޫޕް (ބީޔޫސީޖީ) އާއި ޗައިނާގެ އެހެން ކުންފުނިތަކުން، މެދުކެނޑުމަކަށްފަހު އަލުން ރާއްޖޭގައި މަސައްކަތް ކުރިއަށް ގެންދާކަމަށެވެ.

އަދި މިއީ ރާއްޖޭގެ އިގްތިސާދު އަލުން ކޮޅަށް ޖެހުމަށް ދެވޭ އެހީތެރިކަމަކަށް ވާނެކަމަށް ސަފީރު ވިދާޅުވި އެވެ.

Thanks to the coordination from the Maldives side, BUCG and other Chinese companies have spared no effort to move forward the resumption of work in time of difficulties, contributing to the economic recovery in Maldives. https://t.co/XnjIAlhrFA pic.twitter.com/kowzbuzFiJ

— Amb. Zhang Lizhong (@AmbassadorZhang) January 15, 2021

ވެލާނާ އިންޓަނޭޝަނަލް އެއާޕޯޓް (ވީއައިއޭ) ތަރައްގީކުރުމުގެ މަސައްކަތްތައް ބައްލަވާލެއްވުމަށް ރައީސް އިބްރާހިމް މުހައްމަދު ސޯލިހު އިއްޔެ އެއާޕޯޓަށް ވަޑައިގެންނެވި އިރު ޗައިނާ ސަފީރު ވެސް ވަޑައިގެން ޗައިނާގެ ކުންފުނިތަކުން ކުރާ މަސައްކަތްތަކާ ބެހޭ ގޮތުން ވަނީ ރައީސަށް މައުލޫމާތު ދެއްވާފައެވެ.