މާލޭ ވޯޓަރ އެންޑް ސްވަރޭޖް ކަމްޕެނީ ޕްރައިވެޓް ލިމިޓެޑް (އެ.މްޑަބްލިޔު.އެސް.ސީ)އަށް 25 އަހަރު ފުރުން ފާހަގަކުރާއިރު، އެ ކުންފުނީގެ އާ ލޯގޯ ދައްކާލައިފިއެވެ.
އިއްޔެއިން ފެށިގެން "ރިހި 25" މި ހޭޝްޓެގްގައި އެމް.ޑަބްލިޔު.އެސް.ސީ އިން އައީ ކައުންޓްޑައުންއެއް ޖައްސަމުންނެވެ. އެގޮތުން މި އާ ލޯގޯ ދައްކާލުމަށް ފެން ބިލްޑިންގައި ވަނީ ހާއްސަ ރަސްމިއްޔާތެއްވެސް ކުރިއަށް ގެންގޮސްފައެވެ.
އެ.މްޑަބްލިޔު.އެސް.ސީގެ ރަސްމީ ޓްވިޓާ އެކައުންޓުގައި މި އާ ލޯގޯ މިހާރު ދައްކާލާފައިވާއިރު، ކުރީގެ ލޯގޯއަށް ކުދި ބަދަލުތަކެއް ގެނެސްފައިވެއެވެ. އެގޮތުން ގެނައި ބަދަލަކީ، ލޯގޯގެ ކުލަތަކަށް ގެނައި ބަދަލާއި އަދި ނަމުިގެ އަކުރުތަކަށް ގެނައި ބަދަލެވެ.
We are excited to release MWSC’s enhanced brand identity! While the polished new logo retains the general identity held by MWSC for the past 25 years, the colours of the new design is given a vibrant tone, better reflecting on the vigorous growth of the company. #Rihi25 pic.twitter.com/nnCbugb2gI
— Male' Water and Sewerage Company Pvt. Ltd. (@MWSC_Official) January 20, 2021
އެ ކުންފުނިން ބުނީ، އާ ލޯގޯގެ ކުލަތަކަށް ގެނެސްދީފައިވާ ބަދަލުން، ކުންފުނީގެ ކުރިއެރުން މާ ރަނގަޅަށް ދައްކުވައިދޭނެކަމަށެވެ.
