"ހިޔާ" މަޝްރޫޢަށް ހުށަހެޅި ޝަކުވާގެ ޖަވާބު ލިބިފައިނުވާނަމަ އަންގަން އެދެފިއެވެ.
ރައީސުލްޖުމްހޫރިއްޔާގެ އޮފީހުން ކޮށްފައިވާ އިޢުލާނެއްގައި ބުނީ، "ހިޔާ" މަޝްރޫޢުގެ ކެޓަގަރީތައް މި ކޮމިޓީއިން ދިރާސާކުރުމަށްފަހު ނެރެފައިވާ ވަގުތީ ލިސްޓްތަކާ ގުޅޭގޮތުން ޝަކުވާ ހުށަހެޅުމަށް ހުޅުވާލި މުއްދަތުގައި ހުށަހަޅުއްވާފައިވާ ހުރިހާ ޝަކުވާއެއް މި ކޮމިޓީއިން ދިރާސާކޮށް، ޝަކުވާގެ ޖަވާބު ލިޔުމުން، ޝަކުވާ ހުށަހެޅުއްވި ހުރިހާ ފަރާތްތަކަށް އީމެއިލް ކުރެވިފައިވާނެކަމަށެވެ.
ނަމަވެސް ބައެއް ފަރާތްތަކުން ދެއްވާފައިވާ އީމެއިލް އެޑްރެސްއަށް ފޮނުވާ އީމެއިލް ޑެލިވަރނުވާކަން ފާހަގަކުރެވިފައިވާކަމަށްވެސްވަނީ ވިދާޅުވެފައެވެ.
އެހެންކަމުން "ހިޔާ" މަޝްރޫޢަށް ޝަކުވާ ހުށަހެޅުމަށް ހުޅުވާލި މުއްދަތުގައި ޝަކުވާ ހުށަހަޅުއްވާފައިވާ އެއްވެސް ފަރާތަކަށް މިހާތަނަށް ލިޔުމުން ޖަވާބު ލިބިފައިނުވާނަމަ، އެފަރާތެއްގެ އައިޑީކާޑު ނަންބަރު އަދި އީމެއިލް އެޑްރެސް، މާދަމާ، 2021 ފެބްރުވަރީ 8 ވާ ހޯމަ ދުވަހުގެ 15:00 ގެ ކުރިން 7761108 ނުވަތަ 7226016 އަށް މެސެޖްކުރުމަށްވަނީ އެދިފައެވެ.
|
"ފްލެޓްތަކުގެ މައްސަލަބަލާ ކޮމިޓީ" އިން ނެރެފައިވާވަގުތީ ލިސްޓްތަކާ ގުޅޭގޮތުން ޝަކުވާ ހުށަހެޅުމަށް ހުޅުވާލި މުއްދަތުތައް |
|
|
ކެޓަގަރީ |
ތާރީޚު |
|
H4, H5, H8 އަދި H10 |
24 އޮގަސްޓު - 14 ސެޕްޓެންބަރު 2020 އަށް |
|
H9 |
21 ސެޕްޓެންބަރު - 4 އޮކްޓޫބަރު 2020 އަށް |
|
H6 |
4 ނޮވެންބަރު - 16 ނޮވެންބަރު 2020 އަށް |
|
H7 |
1 ޑިސެންބަރު - 13 ޑިސެންބަރު 2020 އަށް |
|
ސިވިލް ސަރވިސް މުވައްޒަފުންނަށް ޚާއްސަ |
28 ޑިސެންބަރު – 2 ޖަނަވަރީ 2021 އަށް |
|
ވަގުތީ ލިސްޓް އިޢުލާންކޮށްފައިވާ ކެޓަގަރީތަކުގެ ދިރިއުޅުމުގެ ޙާލަތު ބެލުމަށް އެކުލަވާލެވިފައިވާ މިންގަނޑާގުޅޭ |
30 ޑިސެންބަރު – 5 ޖަނަވަރީ 2021 އަށް |
