ޒުވާން އާލިން ހާލަންޑްގެ ދެ ރެކޯޑާއެކު ޑޯޓުމުންޑުން ސެވިއްޔާ ބަލިކޮށްފިއެވެ.
ޔޫއެފާ ޗެމްޕިއަންސް ލީގު ގަދަ 16 ގައި ރޭ ސެވިއްޔާގެ މައްޗަށް ޑޯޓުމުންޑުން ކުރި ހޯދާފައިވަނީ 2-3 ގެ ނަތީޖާއަކުންނެވެ.
ފޯރިގަދަ ކުޅުމެއް ފެނިގެންދިޔަ މިމެޗުގެ ފުރަތަމަ ލަނޑު މެޗުގެ ވަރަށް ކުރީކޮޅު ސެވިއްޔާއިން ކާމިޔާބުކޮށްފައިވާއިރު މެޗުގެ 7 ވަނަ މިނަޓްގައި ފެނިގެންދިޔަ މިލަނޑަކީ އޭރިއާގެ ބޭރުން ސޫސޯ ފޮނުވާލި ހަމަލާއެއް ޑިފެންޑަރު ހަމެލްސް ފައިގައި ޖެހި މިސްރާބު ބަދަލުވެގެން ގޯލްގެ ތެރެއަށް ވަތް ލަނޑެކެވެ.
އަދި ސެވިއްޔާއިން ލީޑު ނެގިތާ ބާރަ މިނަޓްފަހުން އޭރިއާގެ ބޭރުން ކާމިޔާބުކޮށްދިން ހިތްގައިމު ލަނޑަކުން ޑާހޫޑް ޑޯޓުމުންޑަށް ނަތީޖާ ހަމަހަމަކޮށްދިނެވެ. މާގިނައިރުތަކެއް ހާލަންޑް ޑޯޓުމުންޑަށް ލީޑު ނަގައިދިނެވެ. މީގެއިތުރުން ފުރަތަމަ ހާފު ނިމުމުގެ ކުރިން އިތުރު ލަނޑެއްޖަހައި ޑޯޓުމުންޑަށް ލީޑު ފުޅާކޮށްދިނީވެސް ހާލަންޑެވެ. މެޗުގެ 43 ވަނަ މިނަޓްގައި ފެނިގެންދިޔަ ހާލަންޑުގެ ދެވަނަ ލަނޑަކީ ކެޕްޓަން ރުއީސް ދިން ޕާހަކުން ކާމިޔާބުކުރި ލަނޑެކެވެ.
???????? Two fantastic goals earn Champions League sensation Erling Haaland the prize ????
???? @ErlingHaaland will be among the candidates you can vote for to claim the Player of the Week prize ????#UCLPOTM | #UCL pic.twitter.com/euIyrL7Bnj
— UEFA Champions League (@ChampionsLeague) February 17, 2021
ރޭގެ މެޗުގައި ކާމިޔާބުކުރި ދެ ލަނޑާއެކު ޒުވާން ހާލަންޑަށް ދެ ރެކޯޑެއްވަނީ ލިބިފައެވެ. މިހާތަނަށް އެންމެ 13 ޗެމްޕިއަންސް ލީގު ކުޅެފައިވާ ހާލަންޑު މިހާރުވެސްވަނީ މިމުބާރާތުގައި ޖުމްލަ 18 ލަނޑު ކާމިޔާބުކޮށްފައެވެ. އެއާއެކު ޗެމްޕިއަންސް ލީގު 13 މެޗުން 18 ލަނޑު ހަމަކުރި ފުރަތަމަ ކުޅެންތެރިޔާއަށް ހާލަންޑުވަނީ ވެގެން ގޮސްފައެވެ.
މީގެއިތުރުން ރޭގެ މެޗުގައި ހާލަންޑު ކާމިޔާބުކުރި ދެ ލަނޑާއެކު ޗެމްޕިއަންސް ލީގުގައި އެއްޓީމަކަށް 10 ލަނޑު އެންމެ އަވަހަށް ހަމަކޮށްދިން ކުޅުންތެރިޔާއަށްވެސް އޭނާވަނީ ވެގެން ގޮސްފައެވެ. ޑޯޓުމުންޑަށް މިހާތަނަށް ހާލަންޑު ކުޅެދީފައިވަނީ 7 ޗެމްޕިއަންސް ލީގު މެޗެވެ. އެއީ މިދިޔަ ސީޒަންގައި ކުޅެދިން ދެ މެޗާއި މިސީޒަންގައި ކުޅުނު 5 މެޗެވެ.
ހާލަންޑްގެ އުމުރަކީ އަދި އެންމެ 20 އަހަރެވެ.
???????? Erling Haaland = Champions League sensation ????
???? 18 goals in 13 games in this competition
???? Scored against all 8 opponents he has faced
???? Only Mbappé (19) has scored more goals before his 21st birthday
???????? 10 goals in first 7 European games for Dortmund#UCL pic.twitter.com/6gjpTerHA5— UEFA Champions League (@ChampionsLeague) February 17, 2021
މެޗުގެ ފުރިހަމަ ވަގުތު ހަމަވާން ހަ މިނަޓަށްވެފައި ވަނިކޮށް ސެވިއްޔާއިންވަނީ އިތުރު ލަނޑެއް ޖަހައި ފަރަގު ކުޑަކޮށްފައެވެ.
ރަށުން ބޭރުގައި ރޭ ކުޅުނު މެޗުން މޮޅުވެ ޑޯޓުމުންޑަށް އިތުރު ހިތްވަރެއް ލިބިފައިވާއިރު، އަމިއްލަ ދަނޑުގައި ކުޅެވޭ މިމެޗުގެ ދެވަނަ ލެގު އޮންނާނީ އަންނަ މާރޗްމަހުގެ 09 ވަނަ ދުވަހުގެ ރެއެވެ.
