ޗައިނާއިން އިތުރު 100،000 ޑޯޒް ކޮވިޑް ވެކްސިން ރާއްޖެއަށް ދިނުމަށް ނިންމައިފިއެވެ.
މިކަން ހާމަކޮށް ޗައިނާއިން ރާއްޖެއަށް ކަނޑައަޅާފައި ހުންނަވާ ސަފީރު ޖަންގް ލީޖޮންގް ވިދާޅުވީ، ޗައިނާއިން ވައުދުވެފައިވާގޮތަށް ވެކްސިނަކީ އާންމު ފަރުދުންގެ އެއްޗަކަށް ހެދުމަށާއި އަދި ރާއްޖޭގެ އިގުތިސާދު ހަމަމަގަށް އެޅުވުމަށް އެހީތެރިވުމުގެ ގޮތުން އިތުރު 100،000 ޑޯޒް ކޮވިޑް ވެކްސިން ރާއްޖެއަށް ދިނުމަށް ނިންމައިފައިވާ ކަމަށެވެ.
ޗައިނާ އިން ވަނީ މީގެކުރިން ވެސް އެގައުމުގެ ސައިނޯފާމް ކުންފުނިން އުފެއްދި ސައިނޯފާމް ކޮވިޑް ވެކްސިންގެ އެއް ލައްކަ ޑޯޒް ރާއްޖެއަށް ހަދިޔާކޮށްފައެވެ.
Pleased to meet @AmbassadorZhang today, who informed me that #China will donate a further 100K vaccines to the Maldives, in addition to the 100K pledged already. ???????? thanks ???????? for the support in the #COVID19 vaccination program GoM is undertaking. pic.twitter.com/t6193qSs8t
— Abdulla Shahid (@abdulla_shahid) March 4, 2021
ޗައިނާގެ މި ނިންމެވުމާއެކު ރާއްޖޭގެ ފޮރިން މިނިސްޓަރ އަބްދުﷲ ޝާހިދުވަނީ ޗައިނާއަށް މިކަމާއި ގުޅިގެން ޝުކުރު ދައްނަވާފައެވެ.
ރާއްޖޭގައި ކޮވިޑް-19 ވެކްސިން ޖަހަން ފަށާފައި ވަނީ ފެބުރުއަރީ މަހުގެ އެއްވަނަ ދުވަހުއެވެ. ރާއްޖޭގައި މިހާތަނަށް ޖަހަމުން ދަނީ އިންޑިއާއިން ހަދިޔާ ކުރި އޮކްސްފޯޑް-އެސްޓްރާޒެކެނާ ކޮވިޝީލް ވެކްސިނެވެ.
