މޮނިޓަރިންގައި އޮތް ރަށްތަކަށް ވެސް ވޯޓު ލާން ދެވޭނެ ކަމަށް އިލެކްޝަން ކޮމިޝަން (އީސީ)ން ވިދާޅުވެެއްޖެއެވެ.
އިލެކްޝަން ކޮމިޝަނުގެ ރައީސް އަހުމަދު ޝަރީފް ވިދާޅުވީ، އަތޮޅު ތެރޭގައި ދިރިއުޅޭ ރައްޔިތުން އެއް ރަށުން އަނެއް ރަށުން ވޯޓުލުމަށް ދިިއުމުގެ ހުއްދަ ދޭނެކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ވިދާޅުވެފައިވާކަމަށާއި، އަދި މޮނިޓަރިންގެ ހާލަތުގައި އޮތް ރަށްރަށަށްވެސް ރަށު ޓާސްކް ފޯސް އާއި ގުޅިގެން ހަމައެކަނި ވޯޓު ލުމަށް ހުއްދަ ލިބޭނެކަމަށެވެ.
Atholhu thereyga dhiriulhey rayyithun eh rashun aneh rashah vote lumah dhiumuge hudha dheyne kamah @HPA_MV in vidhaalhu vehje, monitoring haalathu ga oi rahrashah ves rashu task force aa gulhigen hama ekani vote lumah hudha libeyne.
— Ahmed Shareef (@ShareefRangondi) April 3, 2021
ކޮވިޑް-19 ގެ ކޭސްތަކެއް ފެނި، 16 ރަށެއް މިވަގުތު މޮނިޓަރިންގގައި އޮތްއިރު، އެރަށްތަކަކީ ދ.ކުޑަހުވަދޫ، ދ.މީދޫ، ކ.ހުރާ، ކ.ދިއްފުށި، ޅ.ނައިފަރު، ރ.މަޑުއްވަރި، ހުޅުދުއްފާރު، ޅ.ނައިފަރު، ޅ.ހިންނަވަރު، ރ. އަލިފުށި، ގދ.ތިނަދޫ، ޅ.އޮޅުވެލިފުށި، ނ.ހޮޅުދޫ، ރ.މާކުރަތު، ޅ.ކުރެންދޫ އަދި ށ.މަރޮއްޓެވެ.
ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ އިންތިހާބު އޮންނާނީ މިހިނގާ އެޕްރީލް 10 ވަނަ ދުވަހެވެ.
