ލޯކަލް ކައުންސިލް އިންތިހާބުގެ ބައެއް ވޯޓު ފޮށިތައް އަލުން ގުނުމަށް އިލެކްޝަންސް ކޮމިޝަނުން ތައްޔާރުވަމުން ދަނިކޮށް އެސަރަހައްދުގައި އިދިކޮޅު ފަރާތްތަކުން އެއްވެ ހަމަނުޖެހުން ހިންގަމުން އެބަދެއެވެ.
މިއަދު މެންދުރު ފަހު ބައެއް ދާއިރާތަކުގެ ވޯޓް ފޮށިތައް އަލުން ގުނުމަށް އިލެކްޝަންސް އިން އޮތީ ހަމަޖައްސާފައެވެ.
އެހެން ކަމުން އެ ސަރަހައްދަށް އިދިކޮޅު ފަރާތްތަކުން އެއްވެފައިވާއިރު، ރައީސް ނަޝީދުވެސް ވަނީ އެސަރަހައްދަށް ވަޑައިގެންފައެވެ. ރައީސް ނަޝީދު ވަޑައިގަތުމައި ގުޅިގެން އެސަރަހައްދަށް އެއްވެފައިވާ ފަރާތްތަކުން ވަނީ އަޑުގަދަކޮށް ހިތްހަމަ ނުޖެހުން ފާޅުކޮށްފައެވެ.
މިކަމާއި ގުޅިގެން އެމްޑީޕީން ވިދާޅުވެފައި ވަނީ ޓީ4 ގެ ވޯޓް ފޮށި އަލުން ގުނުމަށް ތައްޔާރުވެފައި ވަނިކޮށް ޕީޕީއެމްގެ އިސްވެރިން ވޯޓް މަރުކަޒަށް ވަޑައިގެން އެތަނުގައި އަޑުގަދަކުރައްވާ ހެއްދެވުމުން އެމްޑީޕީގެ އިސް ވެރިންނަށްވެސް އެތަނަށް ދިއުމަށް މަޖުބޫރު ވީކަމަށެވެ.
"ޤާނޫނުގައިވާ ގޮތުން ވޯޓްގެ ކަންތައް ކުރިޔަށް ދިއުމުގެ ފުރުޞަތު ދިނުމަށް ޕީޕީއެމްއަށްވެސް ދަންނަވަން" އެމްޑީޕީ އިން ވިދާޅުވެފައިވެއެވެ.
T4 ge vote foshi alun gunumah thahyaaru vefai vanikoh PPM ge isverin vote markazah vadain eythanugai adugadha kurahvaa hedheyvumun MDP ge is verinah ves Majboor vee ey thanah dhaasheve. Qaanoon gai vaagothah vote ge kanthah kuriah diumuge furusath dhinunah PPM ah ves dhanavan
— MDP Secretariat (@MDPSecretariat) April 13, 2021
ވޯޓް ގުނުމުގެ މަސައްކަތް ކުރަމުންދާ ތަނަށް މީޑިއާތައް ވަނުމުގެ ފުރުޞަތުވެސް ފުލުހުން ވަނީ ނުދީފައެވެ. މީގެ އިތުރުން އެސަރަހައްދަށް ޕެޕަރ ސްޕްރޭވެސް ފުލުހުން ވަނީ ޖަހާފައެވެ.
